මාතර පොල්හේන වෙරළ තීරයට පැමිණෙන දේශීය හා විදේශීය සංචාරකයන්ගෙන් වාහන නැවැත්වීමේ ගාස්තු අයකිරීම තාවකාලිකව නතරකිරීමට අමාත්‍ය සුනිල් හඳුන්නෙත්ති උපදෙස් ලබා දී තිබේ.

සමාජ මාධ්‍ය ඔස්සේ ප්‍රකාශයක් නිකුත් කරමින් අමාත්‍ය හඳුන්නෙත්ති පැවසුවේ, පොල්හේන වෙරළ තීරයට සම්බන්ධ ඉඩම් කොටසක් සම්බන්ධයෙන් දැනට අධිකරණයේ නඩුවක් පවතින බවයි.

අධිකරණ තීන්දුවක් නිකුත් කරනතුරු, දේශීය හා විදේශීය සංචාරකයන් විසින් එම ඉඩමේ නවතා ඇති වාහන සඳහා ගාස්තු අයකිරීම අත්හිටුවීමට තීරණය කර ඇති බව ඔහු තවදුරටත් පැවැසීය.

මාතර දිස්ත්‍රික් සම්බන්ධීකරණ කමිටුවේ සභාපතිවරයා ලෙස අමාත්‍ය සුනිල් හඳුන්නෙත්ති කමිටුවේ අදාළ නිලධාරීන්ට සහ පොලිසියට මේ සම්බන්ධයෙන් උපදෙස් ලබා දී ඇත.