2024 දෙසැම්බර් මාසයේදී සීදූව ලියනගේමුල්ල ප්‍රදේශයේ වාර්තා වූ ද්විත්ව ඝාතනයක් සම්බන්ධයෙන් අවශ්‍ය සැකකරුවකු අත්අඩංගුවට ගැනීම සඳහා පොලිසිය මහජන සහාය ඉල්ලා ඇත.

2024 දෙසැම්බර් 28 වන දින මෝටර් රථයකින් පැමිණි කණ්ඩායමක් පුද්ගලයන් තිදෙනෙකුට වෙඩිතබා දෙදෙනකු ඝාතනය කර එක් පුද්ගලයෙකුට තුවාල සිදුකළහ.

සීදූව පොලිසිය විසින් කරන ලද පරීක්ෂණවලින් එක් සැකකරුවකු හඳුනාගෙන ඇති අතර, ඔහු පදිංචි ප්‍රදේශයෙන් පළාගොස් ඇති බව සොයාගෙන ඇත.

සැකකරු පිළිබඳ තොරතුරු ඇති මහජනතාවට 071-8591637 හෝ 011-2253522 හරහා පොලිසිය අමතන්නැයි ඉල්ලා තිබේ.