April 23, 2025
ශ්රී ලංකා පොදුජන පෙරමුණේ ක්රියාකාරිකයකු වූ ඩෑන් ප්රියසාද්ට වෙඩි තැබීමෙන් පෙන්නුම් කරන්නේ, ශ්රී ලංකාවේ පිරිහෙන මහජන ආරක්ෂක තත්ත්වය බව පවසමින් විපක්ෂ මන්ත්රී ශානක්යන් රාසමානික්කම් බරපතල කනස්සල්ල පළකර තිබේ.
සිය සමාජ මාධ්ය ගිණුමේ සටහනක් තබමින් මන්ත්රීවරයා පවසා ඇත්තේ, බොරැල්ලේ පැවැති අනුස්මරණ උත්සවයකදී ප්රියසාද් විසින් තමාට පෞද්ගලිකව තර්ජනය කර තිබුණද, මෙම සිදුවීම, දේශපාලන සම්බන්ධතා නොසලකා, රට පුරා ප්රචණ්ඩත්වය ඉහළයෑමේ ප්රවණතාව ඉස්මතු කරන බවයි.
“මෙම සිදුවීම, ඔහුගේ දේශපාලන පෙළගැස්ම නොසලකා, මෑත මාසවලදී රට පුරා දක්නට ලැබෙන ප්රචණ්ඩත්වය උත්සන්න වීමේ රටාවක කොටසකි,” රාසමානික්කම් පවසයි.
පාතාල ක්රියාකාරකම් මැඩපැවැත්වීම සඳහා පියවර ගනිමින් සිටින බවට රජය කරන ප්රකාශ කෙරෙහි මහජන විශ්වාසය එවැනි සිදුවීම් මගින් අඩපණ කරන බව ඔහු තවදුරටත් සඳහන් කර ඇත.
