ජාතික ජන බලවේග රජය බලයට පත්වන විට ශ්‍රී ලංකාවේ භාණ්ඩාගාරය සතුව තිබුණේ අමෙරිකානු ඩොලර් මිලියන 20ක් පමණක් බවට වෘත්තීය අධ්‍යාපන නියෝජ්‍ය අමාත්‍ය නලින් හේවගේ කළ ප්‍රකාශයෙන් පසුව ඔහු දැඩි විවේචනයට ලක්ව තිබේ.

පළාත් පාලන මැතිවරණයට පෙර ගාල්ලේ පැවති ප්‍රසිද්ධ රැස්වීමකදී අදහස් දක්වමින් හේවගේ පැවසුවේ වත්මන් පරිපාලනය භාණ්ඩාගාර සංචිත අමෙරිකානු ඩොලර් බිලියන 6.19ක් දක්වා වැඩි කර ඇති බවයි.

“අත්පොළසන් ප්‍රමාණවත් නැති බව පේන්නේ. ඩොලර් මිලියන 20ක් පමණක් තිබූ ගිණුමකට අපි ඩොලර් මිලියන 6,190ක් රැස් කර ගත්තා කිව්වම වහලේ උඩ යන්න අත්පොළසන් දෙන්න ඕනේ,” යනුවෙන් ඔහු පැවසීය.

පසුගිය රජය ඉවත් වන විට භාණ්ඩාගාර සංචිත අමෙරිකානු ඩොලර් බිලියන 6කට ආසන්නව තිබූ බව පෙන්වා දෙමින්, විචාරකයන් මෙම ප්‍රකාශයට ප්‍රතිචාර දක්වා තිබේ.

ජාතික ජන බලවේගය රට භාර ගන්නා විට ගෑස් හෝ ඉන්ධන සැපයුම් නොතිබූ බවට හේවගේ කළ තවත් ප්‍රකාශයක් ද සමාජ මාධ්‍ය ඔස්සේ දැඩි විවේචනයට ලක්ව තිබිණි.