යාපනය යුද්ධ හමුදා බුද්ධි අංශයට ලද තොරතුරක් මත කේරල ගංජා කිලෝග්‍රෑම් 85 ක් සොයාගෙන තිබේ.

මරදන්කේණි පොලිසීය සමඟ එක්ව සිදුකළ මෙහෙයුමකදී කඩ්ඩෙයිකාඩු, ආලියාවේලි වෙරළ තීරයේ දී නීතිවිරෝධි ලෙස මෙරටට ප්‍රවාහනය කල රුපියල් මිලියන 17ක් පමණ වටිනා මෙම කේරල ගංජා කිලෝග්‍රෑම් 85ක තොගය සොයාගෙන ඇත.

2025 මාර්තු මස 23 දින අළුයම් කාලයේදී අත්අඩංගුවට ගත එම තොගය පාර්සල් 40ක් වශයෙන් තිබී ඇත.

ඉදිරි පරීක්‍ෂණ කටයුතු මරදන්කේණි පොලිස් ස්ථානය විසින් සිදුකරනු ලබයි.