February 22, 2025
නියෝජ්ය අමාත්ය නලින් හේවගේ විසින් සමගි ජන බලවේගයේ මන්ත්රීවරියක වන රෝහිණී කවිරත්න සම්බන්ධයෙන් කරන ලද ප්රකාශයක් නිල හැන්සාඩ් වාර්තාවෙන් ඉවත් කිරීමට පාර්ලිමේන්තුව අද තීරණය කළේය.
නියෝජ්ය අමාත්ය හේවගේ සිය කතාව අතරතුර සජබ මන්ත්රීවරිය විවේචනය කර වෙනත් වාසගමකින් ඇයට ආමන්ත්රණය කළ විට මෙම සිද්ධිය සිදු වූ අතර, එම ප්රකාශය ඉක්මණින් සභා ගර්භයේ කෝපයක් ඇති කළේය.
සජබ මන්ත්රී හර්ෂ ද සිල්වා එම ප්රකාශයට වහාම විරුද්ධ වූ අතර, එය පාර්ලිමේන්තු වාර්තාවෙන් ඉවත් කරන ලෙස ඉල්ලා සිටියේය.
මෙම විරෝධය හේතුවෙන් පාර්ලිමේන්තු මන්ත්රී හර්ෂ ද සිල්වා සහ නියෝජ්ය අමාත්ය හේවගේ අතර උණුසුම් වචන හුවමාරුවක් ඇති විය.
මෙම වාග් ගැටුම අතරතුර, නලින් හේවගේ කියාසිටියේ තමා සමාන නමක් ප්රකාශ කරමින් වෙනත් පුද්ගලයකු ගැන සඳහන් කළ බවයි.
ආණ්ඩු පක්ෂයේ ප්රධාන සංවිධායක අමාත්ය නලින්ද ජයතිස්ස නියෝජ්ය අමාත්යවරයා වෙනුවෙන් සමාව අයැදීමෙන් අනතුරුව වාදය අවසන් විය.
අදාළ විවාදාත්මක ප්රකාශය හැන්සාඩ් වාර්තාවෙන් ඉවත් කරන බව ආණ්ඩු පක්ෂයේ නලින්ද ජයතිස්ස තහවුරු කළේය.
