ජනාධිපති රනිල් වික්‍රමසිංහගේ ප්‍රධානත්වයෙන් අද පැවැති කැබිනට් මණ්ඩල රැස්වීමේදී සංචාරක ඇමැති හරීන් ප්‍රනාන්දු සිය අමාත්‍යාංශයෙන් ඉල්ලා අස්වන බවට තර්ජනය කර ඇති බව වාර්තා වේ.

නව වීසා ක්‍රියාවලිය සම්බන්ධයෙන් සිය අප්‍රසාදය පළකර ඇති ඇමැති ප්‍රනාන්දු, නව වීසා ක්‍රමය කිසිදු වෙනසක් නොමැතිව අඛණ්ඩව ක්‍රියාත්මක වුවහොත් තමා සිය ඇමැති ධුරයෙන් ඉල්ලා අස්වන බව කැබිනට් මණ්ඩලයට දැනුම් දී තිබේ.

සංචාරක ඇමැතිවරයා VFS Global විසින් අය කරන ලද ඩොලර් 18.5 සේවා ගාස්තුව ප්‍රශ්න කර ඇති අතර, රටවල් 50 කට අධික සංඛ්‍යාවක් සඳහා නොමිලේ වීසා සඳහා වන යෝජනාව රජය විසින් අවසන් කරන තෙක් සියල්ල ඇතුළත් දින 30ක තනි පිවිසුම් වීසා බලපත්‍රයක් $50 සඳහා ඉල්ලීමක් ඉදිරිපත් ඇත.

කැබිනට් ඇමැතිවරුන් සහ අදාළ නිලධාරීන් අතර පැවැති සාකච්ඡා මාලාවකින් අනතුරුව දින 30ක තනි ප්‍රවේශ වීසා බලපත්‍රයක් ඩොලර් 50 බැගින් නිකුත් කිරීමට තීරණය කර ඇත.

තනි ප්‍රවේශ වීසා බලපත්‍රය සඳහා ඉදිරිපත් කර ඇති නව යෝජනාවට VFS Global එකඟ වී ඇති බවද වාර්තා වේ.

“මැයි 7 වනදා සිට, රටවල් 50කට වැඩි සංඛ්‍යාවක් සඳහා නොමිලේ වීසා සඳහා වන අපගේ යෝජනාව අවසන් වන තෙක් අමතර ගාස්තු නොමැතිව දින 30ක තනි පිවිසුම් වීසා බලපත්‍රයක් ඩොලර් 50කට ලබා ගත හැකිය. එතෙක් රටවල් හතක් පෙර පරිදිම නොමිලේ වීසා භුක්ති විඳිනු ඇත,” යැයි සංචාරක ඇමැති හරීන් ප්‍රනාන්දු ට්විටර් පණිවුඩයක් නිකුත් කරමින් සඳහන් කර ඇත.