විවාහ පොරොන්දුව මත තරුණියක් රවටා රුපියල් ලක්ෂ 25කට අධික මුදලක් ලබා ගත් පුද්ගලයකු පාදුක්ක පොලිසිය මගින් අත්අඩංගුවට ගැනීමට නියමිතය.

වංචාවට ලක්ව ඇත්තේ හෝමාගම ගොඩගම ප්‍රදේශයේ රූපලාවන්‍යාගාරයක් පවත්වාගෙන යන තරුණියකි.

සැකකරු තමන් මෘදුකාංග ඉංජිනේරුවරයකු බවත් කැනඩාවේ පදිංචිකරුවකු ලෙසත් හඳුන්වාදුන් බවත්, ඔහුගේ ගනුදෙනු සඳහා බැංකු ගිණුමක් විවෘත කළ බවත්, ඇය පොලිසියට ප්‍රකාශ කරයි.

ඇයගේ මව ඔහුට ඇය විසින් මිලදී ගත් දෙමහල් නිවසක ජීවත් වීමට අවසර ලබාදී ඇත.

මේ අතර, ඔහු විටෙක ව්‍යාජ ලෙස වින්දිතයාගෙන් රුපියල් ලක්ෂ 45කට අධික මුදලක් ණයට ගෙන ඇත.

සැකකරු දරුවන් දෙදෙනකුගේ පියකු බවත්, ඔහු සිය බිරිඳ තම සහෝදරිය ලෙස හඳුන්වා දී ඇති බවත්, ඇය පැමිණිලිකාරිය සමඟ නිතර දුරකථන සංවාදයේ යෙදී ඇති බවත් විමර්ශනවලදී අනාවරණය වී ඇත.

සැකකරු තම සැබෑ අනන්‍යතාවය වසන් කිරීම සඳහා විග් එකක් පැළඳ සිට ඇති බව පොලිසිය පවසයි.