කීර්තිමත් නීතිඥයන් දසදෙනකු ජනාධිපති රනිල් වික්‍රමසිංහ විසින් ජනාධිපති නීතිඥයන් ලෙස පත්කර තිබේ.

ඔවුන් නුදුරේදීම ශ්‍රේෂ්ඨාධිකරණයේ උත්සවාකාර රැස්වීමකදී දිවුරුම් දෙනු ඇත.

ඉන් අනතුරුව, පත්වීම් ලැබූවන් ජනාධිපති නීතිඥයන් ලෙස සළකනු ලබන අතර, ඔවුන් අභ්‍යන්තර නීතිඥ මණ්ඩලය වෙත කැඳවනු ලැබේ.

ජනාධිපතිවරයා විසින් පත්වීම් කරනු ලැබූ ජ්‍යෙෂ්ඨ නීතිඥයන් දසදෙනා වන්නේ චමන්ත වීරකෝන්, ආචාර්ය අසංග ගුණවංශ, මොහොමඩ් ආදමලි, හර්ෂ ප්‍රනාන්දු, ආචාර්ය සිවාජි ෆීලික්ස්, ෆයිස මාකර්, කෞෂල්‍ය නවරත්න, උපුල් කුමරප්පෙරුම, විරාන් කොරයා සහ එරාජ් ද සිල්වා යන පිරිසයි.