ගාල්ල හබරාදූව ප්‍රදේශයේ නිවෙසකදී වයෝවෘද්ධ කාන්තාවන් දෙදෙනකුගේ හිසට ගල්වලින් පහරදී ඝාතනය කර දේපොළ කොල්ල කෑ බව කියන සැකකරුවකු අත්අඩංගුවට ගත් බව හබරාදූව පොලිසිය පවසයි.

මෙසේ අත්අඩංගුවට ගෙන ඇත්තේ වංචාවල ප්‍රදේශයේ පදිංචි 34 හැවිරිදි පුද්ගලයෙකි.

සැකකරු සන්තකයේ තිබී හෙරොයින් මත්ද්‍රව්‍ය සහ එම කාන්තාවන්ට අයත් ජංගම දුරකථනයක්ද පොලිසිය සොයාගෙන ඇත.

අත්අඩංගුවට ගත් සැකකරු අධිකරණයට ඉදිරිපත් කිරීමට නියමිතය.

හබරාදූව පොලිසිය වැඩිදුර විමර්ශන සිදුකරයි.(ලංකාදීප)