
Subscribe
Don't miss the latest news and updates.
careers
Would you like to join our growing team?
careers@hub.com
careers
Would you like to join our growing team?
careers@hub.com
Don't miss the latest news and updates.
Would you like to join our growing team?
careers@hub.com
Would you like to join our growing team?
careers@hub.com
Type and hit enter
පේරු රාජ්යයේ පැවැති සිය අවසන් දිව්ය පූජාවට පෙර තමන් දෙසට ජපමාලයක් විසි කිරීමෙන් ඇසට හානි සිදු කළ පුද්ගලයාට 14 වැනි
ලියෝ පාප් වහන්සේ සමාව ලබා දී තිබේ. එය එම පුද්ගලයා තුළ පවතින ගැඹුරු ඇදහිල්ලේ සංකේතයක් පමණක් බව උන්වහන්සේ ප්රකාශ කළහ.
දිව්ය පූජාව සඳහා පේරු හි ලීමා ගුවන් හමුදා කඳවුරට රැස්ව සිටි මිලියන 1.5ක පමණ ජනතාව අතරින් සඳුදා දිනයේදී විශේෂ පාප් රථයෙන් ගමන් කරමින් සිටියදී මෙම සිදුවීම සිදුවිය. ජපමාලය ඇසෙහි වැදීමත් සමඟ උන්වහන්සේ වේදනාවෙන් මුහුණ හකුළුවා ඇස ස්පර්ශ කළද, කිසිවක් සිදු නොවූ ආකාරයෙන් සිය ගමන ඉදිරියටම ගියහ.
ආපසු වතිකානය බලා පැමිණෙමින් සිටියදී ගුවන් යානය තුළ පැවති මාධ්ය හමුවකදී පේරු ජාතික මාධ්යවේදියකු මෙම සිදුවීම සම්බන්ධයෙන් පාප් වහන්සේගෙන් සමාව අයැද සිටියේය. දශක දෙකක කාලයක් පේරු රාජ්යයේ ජීවත් වූ සහ එරට පුරවැසිභාවය ද හිමි ලියෝ පාප් වහන්සේ එය සැහැල්ලුවෙන් බැහැර කරමින් කියා සිටියේ එය පාප් වහන්සේට සමීප වීමට කෙනකු දැරූ උත්සාහයක් පමණක් බවයි.
උන්වහන්සේ ඒ පිළිබඳව හාස්යජනක ලෙස ප්රකාශයක් ද සිදු කළේය.
“ඉතාමත් ඇදහිල්ලෙන් යුතුව මට ජපමාලයක් පිරිනැමීමට උත්සාහ කළ ඒ පුද්ගලයා ඇතුළු පේරු වැසියන් තුළ ඇති සුන්දර දෙය නම්, ඔබ හදවතේ – නැතිනම් සමහරවිට ඇසේ – රඳවා ගන්නා නමුත් කෙනකුගේ ජීවිතයට සදාකාලික සලකුණක් තබන දේවල් ඔවුන් සතු වීමයි,” යැයි උන්වහන්සේ පැවසූහ.
“මෙහි සැබෑ උද්යෝගයක් ඇති බවත්, ගැඹුරු ඇදහිල්ලක් සහ සමිඳාණන් වහන්සේගේ ආශිර්වාදය ලබා ගැනීමේ දැඩි ආශාවක් ඇති බවත් එයින් පෙනී යනවා,” යැයි උන්වහන්සේ වැඩිදුරටත් සඳහන් කළහ.
පාප් වහන්සේ විශේෂ රථයෙන් ගමන් කරන විට ජනතාව බොහෝ විට ජපමාල, සෙල්ලම් සතුන්, ක්රීඩා ජර්සි සහ වෙනත් දෑ උන්වහන්සේ දෙසට විසි කරන අතර, උන්වහන්සේ සිය ක්ෂණික ප්රතිචාර දැක්වීමේ හැකියාවෙන් ඒවා අල්ලා ගනිමින් බොහෝ විට ජනතාව මවිතයට පත් කර තිබේ. කෙසේ වෙතත්, උන්වහන්සේ ප්රසිද්ධ ස්ථානවල සිටින විට මෙලෙස භාණ්ඩ විසි කිරීම තමන්ට ඇති විශාලතම ආරක්ෂක අභියෝගයක් බව උන්වහන්සේගේ ආරක්ෂක නිලධාරීහු පවසති.
Adding {{itemName}} to cart
Added {{itemName}} to cart