ඉන්දීය සිනමාවේ සුපිරි තරුවක් වන රජිනිකාන්ත් ප්‍රධාන චරිතය හොබවන ‘ජේලර් 2’ චිත්‍රපටය එළඹෙන නොවැම්බර් 12 වැනිදා සිට Amazon Prime Video වේදිකාව ඔස්සේ ප්‍රේක්ෂකයින් වෙත ගෙන ඒමට නියමිත බව එම ආයතනය තහවුරු කර තිබේ.

වාර්තාගත බොක්ස් ඔෆිස් වාර්තා තබමින්, මේ වන විට ලොව පුරා ඉන්දියානු රුපියල් කෝටි 820 කට වඩා ආදායමක් උපයා ගැනීමට මෙම දෙමළ ක්‍රියාදාම චිත්‍රපටය සමත්ව ඇත. ඒ අනුව මෙය සිනමා ඉතිහාසයේ වැඩිම ආදායමක් ඉපැයූ දෙමළ චිත්‍රපටය බවටද පත්ව තිබේ.

සාර්ථක සිනමාශාලා තිරගත කිරීමකින් අනතුරුව, තවමත් සිනමාහල් තුළ ප්‍රදර්ශනය වෙමින් පවතින අතරතුරදීම මෙම විකාශන නිකුතුව පිළිබඳ නිවේදනය නිකුත් වීම විශේෂත්වයකි.

නෙල්සන් දිලීප්කුමාර් විසින් අධ්‍යක්ෂණය කරන ලද මෙම දෙවැනි දිගහැරුමෙන්, රජිනිකාන්ත් නැවතත් මුතුචේල් පාණ්ඩියන් නැමැති විශ්‍රාමික බන්ධනාගාර නිලධාරියාගේ චරිතයට පණ පොවයි. බලවත් අපරාධ කල්ලියක් විසින් තම පවුලට තර්ජනයක් එල්ල කිරීමත් සමඟ ඔහු නැවතත් අනතුරුදායක මෙහෙයුමකට අවතීර්ණ වීම මෙහි කථාපුවතයි.

මීට අමතරව ඉන්දීය සිනමාවේ සුපිරි තරු වන මෝහන්ලාල්, රිතික් රෝෂන් සහ විජේ සේතුපති ද මෙම චිත්‍රපටයේ විශේෂ රංගනයන්ගෙන් දායක වෙති.

ශ්‍රී ලංකාව ඇතුළුව රටවල් සහ කලාප 240 කට වැඩි සංඛ්‍යාවක, දෙමළ, තෙලිඟු, හින්දි, මලයාලම් සහ කන්නඩ යන භාෂාවලින් මෙම චිත්‍රපටය නරඹන්නන් වෙත ලබා දෙන බව Prime Video ආයතනය පවසයි.

මේ සමඟින් ප්‍රේක්ෂකයින්ට ‘ජේලර්’ පළමු චිත්‍රපටය මෙන්ම එහි දෙවැනි කොටසද එකම වේදිකාවක් ඔස්සේ නැරඹීමේ අවස්ථාව හිමිවනු ඇත.