October 10, 2026
ඉන්දියාවේ කැරපොත්තන් විරෝධතා ව්‍යාපාරයට එරෙහිව ඉන්දීය පොලිසිය විශාල මර්දනයක් දියත් කර ඇති අතර, සැලසුම් කළ පෙළපාලියක් වැළැක්වීමට බලධාරීන් පියවර ගැනීමත් සමඟ එහි නායකයින් සහ ආධාරකරුවන් සිය ගණනක් අත්අඩංගුවට ගෙන ඇති බව වාර්තා වේ.
අද දිනයේදී දිල්ලිය පුරා දස දහස් ගණනක් ආරක්ෂක නිලධාරීන් යොදවා ඇති බවත්, මාර්ග බාධක යොදා එම ව්‍යාපාරය විසින් සැලසුම් කරන ලද විරෝධතාව පැවැත්වෙන ස්ථානයට ප්‍රවේශ වීම දැඩි ලෙස සීමා කර ඇති බවත් විදෙස් ජනමාධ්‍ය වාර්තා කර තිබේ
කෙසේවෙතත් කැරපොත්තන් ජනතා පක්ෂය පැවසුවේ එහි නිර්මාතෘ අභිජීත් ඩිප්කේ සහ තවත් නායකයින් දෙදෙනෙකු මුම්බායි සිට දිල්ලියට පැමිණි පසු අත්අඩංගුවට ගත් බවයි. කෙසේවෙතත් ඇතැම් විදෙස් ජනමාධ්‍ය වාර්තා කරන පරිදි පොලිසිය මේ බව මෙතෙක් තහවුරු කර නොමැත.
ඉන්දියාවේ අගවිනිසුරු සූර්යා කාන්ත් විසින් රැකියා විරහිත තරුණයින් කැරපොත්තන් ලෙස හැඳින්වූ ප්‍රකාශය සම්බන්ධයෙන් මතභේදයට තුඩු දුන් මැයි මාසයේ ආරම්භ වූ මෙම ව්‍යාපාරය, විරැකියාව, විභාග ප්‍රශ්න පත්‍ර කලින් පිටවීම සහ රජයේ වගවීම කෙරෙහි අවධානය යොමු කරන පුළුල් තරුණ නායකත්වයෙන් යුත් විරෝධතා ව්‍යාපාරයක් දක්වා වර්ධනය වී තිබේ.
නවතම විරෝධතාවය මැතිවරණ ප්‍රතිසංස්කරණ සහ ඡන්ද හිමි නාමලේඛනවල ඇති බවට චෝදනා එල්ල වීම සම්බන්ධයෙන් ප්‍රධාන මැතිවරණ කොමසාරිස් ගයනේෂ් කුමාර් ඉල්ලා අස්විය යුතු බව ඉල්ලා සිටියි. පක්ෂග්‍රාහී හෝ වැරදි ක්‍රියා පිළිබඳ චෝදනා මැතිවරණ කොමිසම ප්‍රතික්ෂේප කර ඇත.
