මෙම වසරේ ඉදිරි මාස තුන සඳහා විදුලි ගාස්තු ඉහළ නැංවීමක් ඉල්ලා සිටීමට රජය බලාපොරොත්තු නොවන බව බලශක්ති අමාත්‍ය අනුර කරුණාතිලක පාර්ලිමේන්තුවේදී පැවසීය.

ප්‍රමාණවත් තරම් වර්ෂාපතනය ලැබීම හේතුවෙන් ජල විදුලි උත්පාදනය ඉහළ යෑම නිසා මෑතකදී විදුලිය නිෂ්පාදනය කිරීමේ පිරිවැය අඩු වී ඇති බව අමාත්‍යවරයා මෙහිදී සඳහන් කළේය.

ජලාශවල ජල මට්ටම ඉහළ යාම මගින් විදුලි උත්පාදන පිරිවැය අඩු කර ගැනීමටත්, විදුලි සැපයුම වඩාත් කාර්යක්ෂමව කළමනාකරණය කිරීමටත් උපකාරී වී ඇති බව අමාත්‍යවරයා පෙන්වාදුන්නේය.

ඒ අනුව, ඉදිරි ත්‍රෛමාසිකය සඳහා විදුලි ගාස්තු වැඩි කරන ලෙස ඉල්ලීමක් කිරීමට අමාත්‍යාංශය බලාපොරොත්තු නොවන බවද අමාත්‍යවරයා වැඩිදුරටත් පැවසීය.