සිද්ධියට අදාළ වීඩියෝවක් සමාජ මාධ්‍යවල සංසරණය වීමෙන් පසුව, නුවරඑළියේදී පෝනියකුට පහරදීමේ සිද්ධියක් සම්බන්ධයෙන් තරුණයකු පොලිසිය විසින් අත්අඩංගුවට ගෙන ඇත.

නුවරඑළිය පොලිස් ස්ථානයට ලැබුණු පැමිණිල්ලකට අනුව වහාම ක්‍රියාත්මක වී සිදුකළ පරීක්ෂණයකින් අනතුරුව මෙම අත්අඩංගුවට ගැනීම සිදුකර තිබේ.

1907 අංක 13 දරන සතුන්ට හිංසා කිරීම වැළැක්වීමේ ආඥාපනත සහ දණ්ඩ නීති සංග්‍රහයේ 411 සහ 412 වගන්ති යටතේ සැකකරු අත්අඩංගුවට ගත් බව පොලිසිය පැවසීය.

සැකකරු අද (28) නුවරඑළිය මහේස්ත්‍රාත් අධිකරණය හමුවට ඉදිරිපත් කිරීමට නියමිතය.