කැබිතිගොල්ලෑව, ගෝනමරියාව පන්සල අසලදී අද (27) උදෑසන සිදු වූ රිය අනතුරකින් දින 10ක් වයසැති බිලිඳකු ඇතුළු එකම පවුලේ තිදෙනෙක් ජීවිතක්ෂයට පත්ව තිබේ.

පදවිශ්‍රීපුර සිට අනුරාධපුර ශික්ෂණ රෝහල වෙත පිරිසක් රැගෙන යමින් තිබූ ත්‍රිරෝද රථයක්, අනුරාධපුර දෙස සිට පැමිණි කැබ් රථයක මුහුණට මුහුණ ගැටීමෙන් මෙම අනතුර සිදුව ඇත.

අනතුරින් මියගොස් ඇත්තේ දින 10ක් වයසැති බිළිඳා, ඔහුගේ මව සහ මිත්තනිය බව පැවසේ.

සිද්ධිය සම්බන්ධයෙන් කැබිතිගොල්ලෑව පොලීසිය මගින් වැඩිදුර විමර්ශන පවත්වනු ලබයි.