පිටකොටුව බස් නැවතුම්පොළේදී මගියකුගේ බෑගයක් සොරාගත් බවට සැකකෙරෙන පුද්ගලයකු, නව මෙහෙයුම් ගොඩනැගිල්ලේ පිහිටි CCTV නිරීක්ෂණ පද්ධතිය ඔස්සේ හඳුනාගැනීමෙන් අනතුරුව ශ්‍රී ලංකා ගුවන් හමුදා සාමාජිකයන් විසින් වහාම අත්අඩංගුවට ගෙන තිබේ.

ඉරිදා (23) දින සිදුවූ මෙම සිදුවීම ආරක්ෂක කැමරාවල සටහන්වී තිබිණි.

සොරකම නිරීක්ෂණය වූ වහාම ක්‍රියාත්මක වූ රාජකාරියේ නියුතු ගුවන් හමුදා නිලධාරීහු, සැකකරු හඳුනාගෙන ඔහුව සිය භාරයට ගැනීමට කටයුතු කළහ.

අනතුරුව වැඩිදුර පරීක්ෂණ කටයුතු සඳහා සැකකරු පොලිසිය වෙත භාරදී ඇත.