අභාවප්‍රාප්ත ප්‍රවීණ ගායන ශිල්පිනී නන්දා මාලනියගේ දේහය අද (21) පෙරවරු 10.00 සිට නාවල, විජයබා මාවතේ පිහිටි ඇගේ නිවසේ තැන්පත් කර තැබීමට නියමිතය.

හෙට, එනම් සෙනසුරාදා පස්වරු 3.30ට ආගමික වතාවත් සිදුකිරීමෙන් අනතුරුව, ඇගේ දේහය ආදාහන කටයුතු සඳහා බොරැල්ල ආදාහනාගාරය වෙත රැගෙන යනු ඇත.

ඇගේ අවසන් කැමැත්තට අනුව, කිසිදු උත්සවාකාර අවමංගල්‍ය චාරිත්‍රයකින් තොරව අවසන් කටයුතු සෙනසුරාදා පස්වරු 5.00 ට බොරැල්ල කනත්ත සුසාන භූමියේදී සිදුකිරීමට නියමිතය.