July 20, 2026
කම්කරු අමාත්ය සහ මුදල් හා සැලසුම් නියෝජ්ය අමාත්ය ආචාර්ය අනිල් ජයන්ත ප්රනාන්දු විසින් දඹදිව සහ තායිලන්ත වන්දනා ගමන් තහනම් කිරීමට යෝජනා කර ඇති බවට සමාජ මාධ්ය ඔස්සේ පැතිර යන ප්රකාශ සම්පූර්ණයෙන්ම අසත්ය බව කම්කරු අමාත්යාංශය පවසයි.
නිවේදනයක් නිකුත් කරමින් එම අමාත්යාංශය පැහැදිලි කර ඇත්තේ, මෙම චෝදනාව සම්පූර්ණයෙන්ම ගොතන ලද්දක් බවත්, අමාත්යවරයා කිසිදු අවස්ථාවක එවැනි ප්රකාශයක් සිදුකර නොමැති බවත්ය.
ශ්රී ලංකාවේ සමාජීය, දේශපාලනික සහ ආගමික සහජීවනය පළුදු කිරීමේ අරමුණින්, පටු දේශපාලන න්යාය පත්රයන් ක්රියාත්මක කරන කණ්ඩායම් විසින් මෙම අසත්ය තොරතුරු ප්රචාරය කරමින් සිටින බවට ද අමාත්යාංශය චෝදනා කරයි.
මෙම ක්රියාව දැඩි ලෙස හෙළාදකිමින් කම්කරු අමාත්යාංශය වැඩිදුරටත් සඳහන් කළේ, මහජනතාව නොමඟ යැවීම සඳහා දියත් කර ඇති මෙවැනි “පහත් පෙළේ අසත්ය ප්රචාරයන්” පැතිරවීම පිළිබඳව තමන් දැඩි කනගාටුව පළකරන බවයි.
