නීතිවිරෝධී මත්ද්‍රව්‍ය සඳහා පවතින අධික ඉල්ලුම මනාව පැහැදිලි කරමින්, පුත්තලම කඳකුලිය ප්‍රදේශයේ ස්ථාපිත කර ඇති ක්ෂණික ක්‍රියාන්විත බලකාය විසින් අත්අඩංගුවට ගන්නා ලද මත්ද්‍රව්‍ය ජාවාරම්කරුවකු එම ඒකකය තුළ රඳවා තබාගෙන සිටි පළමු දිනය ඇතුළත පමණක් ‘අයිස්’ මත්ද්‍රව්‍ය මිලදී ගැනීමට අවශ්‍ය බව පවසමින් ඔහුගේ පාරිභෝගිකයන්ගෙන් දුරකථන ඇමතුම් 76ක් ලැබී තිබේ.

පොලිසිය ප්‍රකාශ කළේ කඳකුලිය, රෙඩ්බානා ප්‍රදේශයේ පදිංචිකරුවකු වන මෙම මත්ද්‍රව්‍ය ජාවාරම්කරු යතුරුපැදියක් භාවිත කරමින් අවට ප්‍රදේශවල මෙම නීතිවිරෝධී මත්ද්‍රව්‍ය බෙදාහැර ඇති බවයි.

පුත්තලම ජ්‍යෙෂ්ඨ පොලිස් අධිකාරී කපිල ප්‍රේමදාසගේ මෙහෙයවීමෙන් කඳකුලිය ක්ෂණික ක්‍රියාන්විත බලකා ඒකකය විසින් මෙම සැකකරු අත්අඩංගුවට ගෙන ඇති අතර, ඒ වන විට ඔහු සන්තකයේ තිබූ රුපියල් 100,000ක් පමණ වටිනා ‘අයිස්’ මත්ද්‍රව්‍ය තොගයක් ද නිලධාරීන් විසින් සොයාගෙන ඇත.(Daily Mirror)