දූෂණ අවදානම් අවම කිරීම සඳහා සාම්ප්‍රදායික කඩදාසි ලිපිගොනු ක්‍රමය සම්පූර්ණයෙන්ම නතර කර, ‘මධ්‍යගත විද්‍යුත් වත්කම් සහ බැරකම් ප්‍රකාශන පද්ධතිය’ (Online) අනිවාර්ය කරන ලෙස අන්තර්ජාතික මූල්‍ය අරමුදල අල්ලස් කොමිසමට උපදෙස් දී ඇත.

2026 ජූනි/ජූලි මාසවලින් අවසන් වූ වත්කම් ප්‍රකාශ ඉදිරිපත් කිරීමේ කාලසීමාව පැහැරහැර ඇති සියලුම රාජ්‍ය නිලධාරීන්ට එරෙහිව දැඩි මූල්‍ය දඩ, විනය ක්‍රියාමාර්ග සහ අධිකරණමය පියවර ගැනීමට අල්ලස් කොමිසම කටයුතු කරමින් සිටී.

2023 අංක 9 දරන දූෂණ විරෝධී පනත කාර්යක්ෂමව බලාත්මක කිරීම සඳහා කොමිසමේ පවතින මානව සම්පත් හිඟය පියවා ගැනීමට වහාම බඳවා ගැනීම් සිදුකරන ලෙස ද කොමිසම රජයට දන්වා ඇත.

වත්මන් IMF ණය පහසුකමේ 5 වැනි සහ 6 වැනි සමාලෝචනවලින් පසු, දේශපාලන ක්ෂේත්‍රයේ ප්‍රමුඛයන් සහ ඉහළ පෙළේ මූල්‍ය අපරාධ සම්බන්ධ නඩු කඩිනමින් විසඳීමේ වගකීම අල්ලස් කොමිසම වෙත සෘජුවම පවරා තිබේ.

2025-2029 ජාතික දූෂණ විරෝධී ක්‍රියාකාරී සැලැස්ම යටතේ කොමිසමේ බලතල පෞද්ගලික අංශයේ වංචා පාලනය දක්වා පුළුල් වන අතර, සමාගම්වල සැබෑ හිමිකරුවන් කවුදැයි අනාවරණය කර ගනිමින් මුදල් විශුද්ධිකරණය වැළැක්වීමේ FATF අන්තර්ජාතික ප්‍රමිතීන්ට ශ්‍රී ලංකාව අනුගත කිරීමට ද පියවර ගැනේ.