පසුගිය සඳුදා සිදු වූ මීගමුව බන්ධනාගාර ගැටුමින් ජීවිතක්ෂයට පත් වූ බන්ධනාගාර නිලධාරීන් හත්දෙනාගේ සිරුරු අද (08) උදෑසන රථ පෙරහැරකින් වැලිකඩ බන්ධනාගාරය වෙත රැගෙන එනු ලැබීය.

මෙම නිලධාරීන්ගේ දේහයන් ඔවුන්ගේ පවුල්වල සාමාජිකයන් වෙත භාරදීමට පෙර, අවසන් ගෞරව දැක්වීම සඳහා වැලිකඩ බන්ධනාගාරයේ තැන්පත් කර තිබේ.

ජූලි 6 වනදා උදෑසන මීගමුව බන්ධනාගාරය තුළ ඇති වූ ප්‍රචණ්ඩකාරී ගැටුම්වලදී පුද්ගලයන් රැසක් තුවාල ලැබූ අතර, එහිදී මෙම නිලධාරීන්ට තම ජීවිත අහිමි විය.