මීගමුව බන්ධනාගාරයේ ඇති වූ නොසන්සුන්කාරී තත්ත්වයෙන් පසු බූස්ස බන්ධනාගාරය වෙත මාරුකර යැවූ රැඳවියකු හදිසියේ රෝගාතුර වීමෙන් පසු මියගොස් තිබේ.

බන්ධනාගාර දෙපාර්තමේන්තුවේ මාධ්‍ය ප්‍රකාශක ඒ.සී. ගජනායක පැවසුවේ, අදාළ රැඳවියා හදිසි රෝගාබාධයක් හේතුවෙන් කරාපිටිය ශික්ෂණ රෝහලට ඇතුළත් කිරීමෙන් පසු මෙලෙස ජීවිතක්ෂයට පත්ව ඇති බවයි.

මරණයට හේතුව පිළිබඳව වැඩිදුර තොරතුරු කිසිවක් මෙතෙක් ප්‍රකාශයට පත් කර නොමැත.

පුද්ගල මරණ සහ තුවාලවීම් කිහිපයක් වාර්තා වූ මීගමුව බන්ධනාගාරයේ සිදු වූ මාරාන්තික නොසන්සුන්කාරී තත්ත්වයෙන් පසුව මෙම සිදුවීම වාර්තා වී ඇත.