ලංකා විදුලිබල මණ්ඩලයේ ස්වේච්ඡා විශ්‍රාම වැටුප් යෝජනා ක්‍රමය යටතේ ස්වේච්ඡාවෙන් විශ්‍රාම යන සේවකයන් 1,898 දෙනෙකුට හෙට (15) වන්දි ප්‍රදානය කිරීමට නියමිතය.

අඛණ්ඩ ප්‍රතිව්‍යුහගත කිරීමේ ක්‍රියාවලියේ කොටසක් ලෙස මෙම පිරිසට රුපියල් බිලියන 8.5ක මූල්‍ය වන්දි ප්‍රදානය කෙරෙනු ඇත.

ස්වේච්ඡා විශ්‍රාම යෑමට තෝරා ගත් විදුලිබල මණ්ඩලයේ දිගු කාලයක් සේවය කළ සේවකයන්ට ගෞරව කිරීම සඳහා විශේෂ වන්දි වැඩසටහන සංවිධානය කර ඇති බව බලශක්ති අමාත්‍යාංශය පැවසීය.

‘අභිමානවත් සේවාවක් – ආරක්ෂිත අවසානයක්’ යන තේමාව යටතේ පැවැත්වෙන මෙම වැඩසටහනේ අරමුණ වන්නේ වසර ගණනාවක් පුරා ආයතනයට විශිෂ්ට සේවාවක් ලබා දුන් සේවකයන් ඇගයීමය.