රාජ්‍ය මාධ්‍ය වාර්තා කරන පරිදි, මියන්මාර හමුදා ජුන්ටාව විසින් රඳවා සිටින හිටපු නායිකා අවුන් සාන් සූ කී නිවාස අඩස්සියට පත්කිරීමට නියමිතය.

මෙම පියවර 2021 මියන්මාර කුමන්ත්‍රණයේදී හමුදාව බලය අල්ලා ගැනීමෙන් වසර පහකට වැඩි කාලයකට පසු අවුන් සාන් සූ කී සම්බන්ධයෙන් සිදුකෙරෙන සලකිවයුතු වෙනසකි.

හමුදා කුමන්ත්‍රණය රටපුරා ගැටුමක් ඇති කළ දා සිට 80 හැවිරිදි නොබෙල් ත්‍යාගලාභී අවුන් සාන් සූ කී රැඳවුම් භාරයේ තබා ඇත.

රාජ්‍ය විකාශක MRTV නාලිකාව පැවසුවේ ඇගේ දඬුවමේ ඉතිරි කොටස හමුදාව විසින් නම් කරන ලද නිවසක ගතකරන බවත්, වසර ගණනාවකට පසු ය සම්බන්ධයෙන් මහජනතාවට පළමුවරට මෙලෙස තොරතුරක් ලබාදෙන බවත්ය.

එක්සත් ජාතීන්ගේ සංවිධානයේ දී, ප්‍රකාශක ස්ටෙෆාන් ඩුජරික් මෙම පියවර සම්බන්ධයෙන් ප්‍රසාදය පළකර ඇති අතර, එය විශ්වාසදායක දේශපාලන ක්‍රියාවලියක් සහ ප්‍රචණ්ඩත්වය අවසන් කිරීමේ අවශ්‍යතාවක් ලෙස අවධාරණය කර ඇත.

කෙසේවෙතත්, කනස්සල්ල පවතී. අවුන් සාන් සූ කීගේ පුත් කිම් අරිස් පවසන්නේ, ඇගේ තත්වය හෝ ස්ථානය පිළිබඳව තවමත් කිසිදු තොරතුරක් නොමැති බවත් ඇය ජීවතුන් අතර සිටින බවට සාක්ෂි ඉල්ලා සිටි බවත්ය.

ඇගේ නීති කණ්ඩායමටද මේ සම්බන්ධයෙන් කිසිදු නිල දැනුම්දීමක් නොලැබුණු බවත් වාර්තා වේ.

දේශපාලනික වශයෙන් ගොනුකරන ලද චෝදනා මත සූ කීට මුලින් වසර 33 ක සිරදඬුවමක් නියම කරන ලද නමුත්, පසුව ඇගේ සිරදඬුවම් කාලය පොදු සමාව මාලාවක් හරහා අඩුකර ඇත.