එක්සත් ජනපදය සහ ඉරානය අතර දෙවැනි වටයේ සාම සාකච්ඡා සඳහා වන සැලසුම් බිඳ වැටීමෙන් පසු සඳුදා ලෝක වෙළෙඳපොළේ තෙල් මිල ඉහළ ගියේය.

උපායමාර්ගික හෝමූස් සමුද්‍ර සන්ධියේ ආතතීන් ඉහළ මට්ටමක පවතින අතරතුර ඉරානයේ විප්ලවවාදී ආරක්ෂක භටයන් සමුද්‍ර සන්ධිය අසල භාණ්ඩ නැව් දෙකකට ගොඩ වූ බව ද වාර්තා වේ.

තෙල් සඳහා අන්තර්ජාතික මිණුම් ලකුණක් වන බ්‍රෙන්ට් තෙල් මිල නැගෙනහිරවේලාවෙන් පෙ.ව. 12.44 වන විට බැරලයකට ඩොලර් 106.56 දක්වා 1%කින් ඉහළ ගොස් තිබිණි.

එක්සත් ජනපද බොරතෙල් ද 0.9%කින් ඉහළ ගොස් ඩොලර් 95.25ක් විය.

ඉරානය සමඟ සාකච්ඡා සඳහා එක්සත් ජනපද තානාපති ස්ටීව් විට්කොෆ් සහ ජැරඩ් කුෂ්නර් පාකිස්ථානයේ ඉස්ලාමාබාද් වෙත යැවීමේ සැලසුම් ජනාධිපති ඩොනල්ඩ් ට්‍රම්ප් සෙනසුරාදා අවලංගු කළේය.

ඉරාන විදේශ අමාත්‍ය අබ්බාස් අරග්චි සති අන්තයේ ඉස්ලාමාබාද් වෙත ගිය නමුත් නැවත පිටත්ව යෑමට පෙර පකිස්ථාන නිලධාරීන් පමණක් හමුවී තිබිණි.

“ඉරානය සහ ඇමරිකා එක්සත් ජනපදය අතර කිසිදු රැස්වීමක් පැවැත්වීමට සැලසුම් කර නැත,” යනුවෙන් ඉරාන විදේශ අමාත්‍යාංශයේ ප්‍රකාශක එස්මයිල් බකායි සිකුරාදා අග භාගයේ සමාජ මාධ්‍ය සටහනක සඳහන් කර තිබිණි.