ශ්‍රී ලංකාවට ගල් අඟුරු ආනයනය කිරීමේ මුල් අවධියේ සිට ට්‍රයිඩන්ට් සමාගම විසින් අදාළ ගල් අඟුරු තොග පරීක්ෂා කර ඇත්තේ අවශ්‍ය නිල පිළිගැනීම නොමැති පැටවුම් වරාය රසායනාගාරයකදී බව පොදු ව්‍යාපාර පිළිබඳ කාරක සභාව හෙවත් කෝප් කමිටුව ඉදිරියේ හෙළිදරව් වී තිබේ.

කෝප් කමිටුව ඉදිරියේ පැවති කටයුතුවලදී ලංකා ගල් අඟුරු සමාගමේ සාමාන්‍යාධිකාරීවරයා විසින් මෙය පිළිගෙන ඇත.

ලංකා ගල් අඟුරු සමාගමේ සභාපතිවරයා සැසිවාරයට නොපැමිණි බවත්, ඔහු හිතාමතාම කමිටුව ඉදිරියේ පෙනී සිටීමෙන් වැළකී සිටි බවටත් කමිටුව හමුවේ චෝදනා එල්ල විය.

තවද, රැස්වීම අතරතුර, විපක්ෂ සාමාජිකයන් කෝප් කමිටු සභාපතිවරයා පක්ෂග්‍රාහී ලෙස කටයුතු කරන බවට දැඩි ලෙස චෝදනා කළ අතර, එහි ප්‍රතිඵලයක් ලෙස කටයුතු අතරතුර සාමාජිකයන් අතර උණුසුම් වාග් හුවමාරුවක් ද ඇති විය.