යාල ජාතික වනෝද්‍යානයේ සිටි ‘ලූකස්’ නමින් ප්‍රසිද්ධ දිවියා සෆාරි ජීප් රථයක ගැටීමෙන් මිය ගොස් ඇති බවට වන ප්‍රකාශ සම්බන්ධයෙන් බලධාරීන් පරීක්ෂණයක් ආරම්භ කර තිබේ.

වනජීවී සංරක්ෂණ දෙපාර්තමේන්තුවේ අධ්‍යක්ෂ ජනරාල් රංජන මාරසිංහ තහවුරු කර ඇත්තේ සිද්ධිය තමාට වාර්තා වී ඇති බවත්, ඒ පිළිබඳ වහාම පරීක්ෂණයක් පවත්වන ලෙසත් නිලධාරීන්ට උපදෙස් දුන් බවයි.

ඒ සම්බන්ධ වීඩියෝ දර්ශන හෝ සාක්ෂි ඇති ඕනෑම අයකු පරීක්ෂණ සඳහා සහාය වීමට ඉදිරිපත් වන ලෙස ද ඔහු ඉල්ලා සිටියේය.

විමර්ශනයේ පියවරක් ලෙස, ඒ අවස්ථාවේ දිවියා අසලින් ගිය බවට විශ්වාස කෙරෙන සෆාරි ජීප් රථය වැඩිදුර විමර්ශන සඳහා උද්‍යාන පාලක විසින් තාවකාලිකව අත්හිටුවා ඇත.

වැරදිකරු වුවහොත් වනජීවී හා වෘක්ෂලතා ආරක්ෂණ ආඥා පනත යටතේ රියදුරුට එරෙහිව නීතිමය පියවර ගන්නා බව බලධාරීන් සඳහන් කර තිබේ.

එසේ නොමැති නම්, රියදුරු සියලු චෝදනාවලින් නිදහස් කරනු ලැබේ.

කෙසේවෙතත්, යාල සෆාරි ජීප් හිමියන්ගේ සංගමය එවැනි සිදුවීමක් ප්‍රතික්ෂේප කර ඇති අතර, ඔවුන්ගේ සාමාජිකයන් සම්බන්ධ එවැනි කිසිදු තහවුරු කළ වාර්තා ඔවුන්ට හමු වී නොමැති බව පවසයි.

මෙම සිද්ධිය වටා ඇති මතභේදාත්මක ස්ථාවරයන් හේතුවෙන් විවාදය තවදුරටත් තීව්‍ර වී තිබේ.

මේ අතර, සත්‍යාපනය නොකළ සමාජ මාධ්‍ය සටහන් දැනට පැතිරෙමින් පවතින අතර, එහි සඳහන් වන්නේ ලූකස් සෆාරි වාහනයක ගැටීමෙන් මිය ගොස් ඇති බවයි.

පරීක්ෂණ සිදුවෙමින් පවතින අතරතුර තහවුරු නොකළ තොරතුරු පතුරුවා හැරීමට එරෙහිව ද නිලධාරීන් මහජනතාවට අනතුරු අඟවා ඇත.

ලූකස් යනු යාල ජාතික වනෝද්‍යානයේ වඩාත් ප්‍රසිද්ධ දිවියන්ගෙන් එකෙකි.

වනජීවී ලෝලීන් සහ ඡායාරූප ශිල්පීන් විසින් ඔහුගේ කැපී පෙනෙන පෙනුම පුළුල් ලෙස අගය කරනු ලැබේ.

ලූකස්ගේ අතුරුදහන් වීම උද්‍යානය තුළ සෆාරි ආරක්ෂාව සහ වනජීවී ආරක්ෂාව පිළිබඳ පුළුල් කණස්සල්ලක් ඇති කර ඇති අතර නැවුම් ප්‍රශ්න මතු කරයි.

විමර්ශනයඅඛණ්ඩව සිදුවේ.