ත්‍රස්තවාදය වැළැක්වීමේ පනත යටතේ අපරාධ පරීක්ෂණ දෙපාර්තමේන්තුව (CID) විසින් තමන් අත්අඩංගුවට ගෙන රඳවා තබාගැනීම අභියෝගයට ලක්කරමින්, රාජ්‍ය බුද්ධි සේවයේ හිටපු ප්‍රධානී මේජර් ජෙනරාල් (විශ්‍රාමික) සුරේෂ් සලේ, අභියාචනාධිකරණය හමුවේ රිට් පෙත්සමක් ගොනුකර ඇත.

පෙත්සමේ නම් කර ඇති වගඋත්තරකරුවන් අතර පොලිස්පති ප්‍රියන්ත වීරසූරිය, අපරාධ පරීක්ෂණ දෙපාර්තමේන්තුවේ අධ්‍යක්ෂ ශානි අබේසේකර, මහජන ආරක්ෂක අමාත්‍යාංශයේ ලේකම් රවී සෙනෙවිරත්න, පූජ්‍ය රොහාන් සිල්වා පියතුමා සහ නීතිපතිවරයා ඇතුළු පිරිසක් සිටින බව වාර්තා සඳහන් කරයි.