ගාල්ල, තෙලිකඩ, මාවඩවිල ප්‍රදේශයේ නිවසකින් අද (03) කපාකොටා ඝාතනය කරන ලද පුද්ගලයන් දෙදෙනෙකුගේ මළසිරුරු සොයාගෙන තිබේ.

පොලිසියට අනුව, කැපුම් තුවාල ලැබූ තවත් කාන්තාවක් කරාපිටිය රෝහලේ දැඩි සත්කාර ඒකකයට ඇතුළත් කර ඇත.

නිවසේ කොරිඩෝවේ වයෝවෘද්ධ කාන්තාවකගේ මළසිරුරක් තිබී ඇති අතර, නිවසේ කාමරයක් තුළ ඇඳක් මත 35 හැවිරිදි පිරිමියෙකුගේ මළසිරුරක් තිබී ඇති බව මූලික පරීක්ෂණවලින් හෙළි වී තිබේ.

තුවාල ලැබූ කාන්තාව ද නිවසේ කාමරයක් තුළ තිබී සොයාගත් අතර, ඇගේ 17 හැවිරිදි පුත්‍රයා නිවසේ තවත් කොටසක සිටියදී කිසිදු හානියක් නොමැතිව සොයාගැන ඇත.

වින්දිතයන් වයෝවෘද්ධ කාන්තාවක්, ඇගේ දියණිය සහ ඇගේ බෑණා බවට විශ්වාස කෙරේ.

පවුල් ආරවුලක් මත මෙම ප්‍රහාරය සිදුකර ඇති බවට පොලිසිය සැකකෙරේ.