February 8, 2026
ශ්රී ලංකා සහ ඉරාන විදේශ අමාත්යවරුන් දෙරට අතර සබඳතා පවත්වා ගැනීම සහ ශක්තිමත් කිරීම පිළිබඳ සාකච්ඡා පවත්වා තිබේ.
විදේශ අමාත්ය විජිත හේරත් ප්රකාශ කර ඇත්තේ මෙම සතිය මුලදී ඉරාන විදේශ අමාත්ය අබ්බාස් අරග්චි සමඟ දුරකථනයෙන් කතා කළ බවයි.
එක්සත් ජනපදය සහ අනෙකුත් බටහිර ජාතීන් විසින් පනවා ඇති සම්බාධක හේතුවෙන් දැඩි ලෙස පීඩාවට පත්ව සිටින ඉරානයට එක්සත් ජනපදය තවදුරටත් තීරුබදු පනවනු ඇතැයි පවතින බිය නිසා අපනයන නැවැත්වීමට ශ්රී ලංකාව සූදානම් වන බවට වාර්තා පළ වෙමින් පවතින අතරතුර මෙම සංවාදය පැවැත්විණි.
මෙම වාර්තා පිළිබඳ විමසූ විට, අමාත්ය හේරත් එය ප්රතික්ෂේප කර තිබේ.
ඉරානයේ න්යෂ්ටික වැඩසටහන හේතුවෙන් අන්තර්ජාතික සම්බාධක රැසකට ගොදුරු වීමට පෙර මිලදී ගත් බොරතෙල් තොග සඳහා ශ්රී ලංකාව තවමත් ඉරානයට ඇමරිකානු ඩොලර් මිලියන 250ක ණයක් ආපසු ගෙවමින් සිටී.
ශ්රී ලංකාව ඉරානයට අපනයනය කරන තේ ප්රමාණය ප්රමුඛ වන බැවින්, එම ණය මුදල ආපසු ගෙවනු ලබන්නේ තේ වෙනුවට තෙල් හුවමාරු ගිවිසුමක් හරහාය.
2023 අගෝස්තු මාසයේ සිට ශ්රී ලංකාව සෑම මසකම ඇමරිකානු ඩොලර් මිලියන 5ක තේ නැව්ගත කර ඇත.
අපනයනකරුවන්ට ගෙවීම් කරනු ලබන්නේ ශ්රී ලංකා තේ මණ්ඩලය හරහා ලංකා ඛනිජ තෙල් සංස්ථාව විසිනි.
ශ්රී ලංකාව මෙම ගිවිසුමට ගරු කිරීම අඛණ්ඩව කරගෙන යන බව අමාත්ය හේරත් පැවසීය.
ඉරානයේ වත්මන් තත්ත්වය පිළිබඳව ද අමාත්යවරු දෙදෙනා සාකච්ඡා කර තිබේ.
ඉරාන ආර්ථිකය යථා තත්ත්වයට පත්වෙමින් පවතින බව අමාත්ය අරග්චි තමාට පැවසූ බව අමාත්ය හේරත් පවසා තිබේ.
ඕමානයේ මැදිහත්වීමෙන් මෙම සතියේ ඉරාන සහ එක්සත් ජනපද නියෝජිතයන් සාකච්ඡා සඳහා රැස්වන විට එක්සත් ජනපදය සමඟ සබඳතා වැඩිදියුණු වනු ඇතැයි බලාපොරොත්තුවක් ද තිබේ.
ශ්රී ලංකාව සහ ඉරානය අතර ද්විපාර්ශ්වික සම්බන්ධතාව අඛණ්ඩව පැවතිය යුතු බවත් ශක්තිමත් කළ යුතු බවත් තමන් අමාත්ය අරග්චිට පැවසූ බව අමාත්ය හේරත් වසීය.
ශ්රී ලංකාව ඉරානය සමඟ සිටි බවත් වසර ගණනාවක් තිස්සේ ඔවුන් ලබා දුන් ස්ථිර සහයෝගය අගය කරන බවත් ඔහු පැවසීය.
එක්සත් ජාතීන්ගේ මානව හිමිකම් කවුන්සිලයේදී ශ්රී ලංකාවට සහාය දුන් රටවල් අතර ඉරානය ද එක් රටක් බව අමාත්යවරයා පෙන්වා දුන්නේය.
දෙදෙනා අතර දුරකථන සංවාදය ඊයේ ධවල මන්දිරය විසින් සිදුකළ නිවේදනයට පෙර සිදු විය.
එක්සත් ජනපද ජනාධිපති ඩොනල්ඩ් ට්රම්ප් ඉරානය සමඟ වෙළඳාම අඛණ්ඩව කරගෙන යන රටවලට අමතර තීරුබදු පැනවීම අරමුණු කරගත් විධායක නියෝගයකට අත්සන් කර ඇත.
සිකුරාදා නිකුත් කරන ලද නියෝගයේ, පැනවිය හැකි අනුපාත නිශ්චිතව දක්වා නැතත් එය සියයට 25ක් වනු ඇති බවට මත පළ වේ.
‘ඉරානයෙන් සෘජුව හෝ වක්රව ඕනෑම භාණ්ඩයක් හෝ සේවාවක් මිලදී ගන්නා, ආනයනය කරන හෝ වෙනත් ආකාරයකින් ලබා ගන්නා’ ඕනෑම ජාතියකින් එක්සත් ජනපදයට ආනයනය කරන භාණ්ඩ සඳහා තීරුබදු අදාළ විය හැකි බව එහි සඳහන් වේ.
