ශ්‍රී ලංකාවේ අටමස්ථානාධිපති අතිපූජ්‍ය ආචාර්ය පල්ලේගම හේමරතන නායක හිමියන් අඟහරුවාදා (ජනවාරි 20) දින, ලෝක ප්‍රකට විශ්වීය කරුණාවේ ප්‍රතිමූර්තිය ලෙස සැලකෙන අතිපූජ්‍ය 14 වැනි දලයි ලාමා හිමියන් හමුව තිබේ.

සතිපට්ඨාන සඟරාවට අනුව, මෙම හමුව ඉන්දු-ටිබෙට් සහ ශ්‍රී ලාංකික බෞද්ධ සම්ප්‍රදායන් අතර සියවස් ගණනාවක් පැරණි සම්බන්ධතාවයේ සන්ධිස්ථානයක් සනිටුහන් කරයි.

මෙම සංචාරයට වැදගත්කමක් එක් කරමින්, පල්ලේගම හේමරතන නායක හිමියන් විසින් ජය ශ්‍රී මහා බෝධියේ පූජනීය අංකුරයක් දලයි ලාමා හිමියන්ට පිළිගන්වා ඇත.

අනුරාධපුරයේ ජය ශ්‍රී මහා බෝධියට වන්දනා ගමනක් යෑමට තමන්ගේ බලවත් කැමැත්තක් ඇති බව මෙහිදී දලයි ලාමා හිමියන් පවසා තිබේ.