අමෙරිකාවේ ට්‍රම්ප් පරිපාලනය මගින් යෝජිත ගාසා සාම මණ්ඩලයට සම්බන්ධ වීම ප්‍රංශ ජනාධිපති එමානුවෙල් මැක්‍රොන් ප්‍රතික්ෂේප කිරීම හමුවේ ජනාධිපති ඩොනල්ඩ් ට්‍රම්ප් ප්‍රංශ වයින් සහ ෂැම්පේන් සඳහා 200% ක තීරුබදු පනවන බවට තර්ජනය කර තිබේ.

මැක්‍රොන්ගේ ස්ථාවරය පිළිබඳව ජනමාධ්‍යවේදියෙකු ට්‍රම්ප්ගෙන් විමසූ අවස්ථාවේ ඔහු ප්‍රංශ නායකයාගේ බලපෑම ප්‍රතික්ෂේප කළ අතර, ඒ සඳහා වෙළඳ දඬුවම් භාවිත කරන බව පැවසුවේය.

එමෙන්ම මැක්‍රෝන් යනු කිසිවෙකු කැමැත්තක් නොදක්වන පුද්ගලයකු බව පැවසූ ට්‍රම්ප්, ඔහු ඉතා ඉක්මනින් ධුරයෙන් ඉවත් වීමට සිටින පුද්ගලයෙකු බව ද පැවසීය.

ප්‍රංශය විරුද්ධවාදී ලෙස හැඟෙන්නේ නම් තමන් ඔවුන්ගේ වයින් සහ ෂැම්පේන් සඳහා 200% ක තීරුබදු පනවන බවත්, එවිට ඔහු එක්වනු ඇති බවත්, නමුත් ඔහු දැන් එක්විය යුතු නොමැති බවත් ට්‍රම්ප් පැවසුවේය.

මැක්‍රොන්ගේ පස් අවුරුදු ජනාධිපති ධුර කාලය 2027 මැයි මාසයේදී අවසන් වීමට නියමිත අතර, ප්‍රංශ නීතිය යටතේ, ඔහුට තුන්වැනි වාරයක් සඳහා නැවත තරඟ කළ නොහැක.

ගාසා සාම මණ්ඩලය යනු පසුගිය වසරේ නොවැම්බර් මාසයේදී එක්සත් ජාතීන්ගේ ආරක්ෂක මණ්ඩලය විසින් අනුමත කරන ලද ගෝලීය ආයතනයක් වන අතර එය ඊශ්‍රායල-හමාස් සටන් විරාමය අධීක්ෂණය කිරීම සඳහා පිහිටුවන ලදී.