බහරේනයේ පැවති ලෝක යොවුන් මේස පන්දු තරඟාවලියේදී ශ්‍රී ලංකාව නියෝජනය කළ 10 හැවිරිදි තාවි සමරවීර වයස අවුරුදු 11න් පහළ ශූරතාව දිනා ගැනීමට සමත්ව තිබේ.

2026 වසර සඳහා ඔහු ලැබූ පළමු අන්තරජාතික රන් පදක්කම මෙය වේ.

ලොව ඉහළම ශ්‍රේණිගත කිරීම් සඳහා වයස අවුරුදු 11න් පහළ ක්‍රීඩකයා තේරීමේ අවසන් මහා තරඟයේදී සන්සුන් හා විශ්වාසදායක ලෙස දස්කම් දක්වමින් බහරේනයේ යූසුෆ් ඇල්බන්නා පරාජය කරමින් තාවි ශූරතාව දිනා ගත්තේය.

මෙම ජයග්‍රහණය තාවිගේ වෘත්තීය ජීවිතයේ සැළකිව යුතු සන්ධිස්ථානයක් සනිටුහන් කරන අතර ක්‍රීඩාවේ වඩාත්ම බලාපොරොත්තු සහගත ක්‍රීඩකයකු ලෙස ඔහුගේ මතුවීම තවදුරටත් ඉස්මතු කරයි.

කුඩා වයසක පසු වුවද ඔහු ඔහුගේ තාක්ෂණික කුසලතාව, විනය සහ පරිණතභාවය සඳහා අන්තර්ජාතික අවධානය දිනාගෙන ඇත.

බහරේනයේ දී ඔහු පෙන්වූ සාර්ථකත්වය අන්තර්ජාතික මේස පන්දු ක්‍රීඩාවේ ශ්‍රී ලංකාවේ වර්ධනය වන අඩිපාර පිළිබිඹු කරන අතර ක්‍රීඩාවේ තරුණ කුසලතා වර්ධනය කිරීමට රට දරන උත්සාහයන්ට ශක්තියක් ද එක් කරයි.