නීතිපති දෙපාර්තමේන්තුවේ වසර 32 කට වැඩි කාලයක් සේවය කර ඇති ජ්‍යෙෂ්ඨ නීතිඥවරයකු වන ජනාධිපති නීතිඥ සුමති ධර්මවර්ධන රාජ්‍ය සේවා කොමිෂන් සභාව විසින් ජ්‍යෙෂ්ඨ අතිරේක සොලිසිටර් ජනරාල් තනතුරට උසස් කර ඇත.

ජනාධිපති නීතිඥ රොහාන්ත අබේසූරිය ජ්‍යෙෂ්ඨ අතිරේක සොලිසිටර් ජනරාල් ධුරය හෙබවූ නමුත් 2025 ජුනි 19 වන දින ඔහු අභියාචනාධිකරණයේ සභාපති ධුරයට පත්කරන ලදී.

එම උසස්වීමෙන් සහ ඇති වූ පුරප්පාඩුවෙන් පසුව, සුමති ධර්මවර්ධන දැන් එම තනතුරට පත්කර ඇත.

නීතිපති දෙපාර්තමේන්තුව තුළ විවිධ තනතුරුවල දශක තුනකට වැඩි කාලයක් ලබා ඇති ඔහුගේ පුළුල් අත්දැකීම් මෙම පත්වීම සඳහා පදනම විය.