දසුන් ශානක 2026 ICC T20 ලෝක කුසලානය දක්වා ශ්‍රී ලංකා කණ්ඩායමේ නායකයා ලෙස කටයුතු කරන බව ශ්‍රී ලංකා ක්‍රිකට් ආයතනයේ නව තේරීම් කමිටු සභාපති ප්‍රමෝද්‍ය වික්‍රමසිංහ අද (19) ප්‍රකාශ කළේය.

නව තේරීම් කමිටුව පත්කිරීමෙන් පසු ශ්‍රී ලංකා ක්‍රිකට් ආයතනයේ පැවති මාධ්‍ය හමුවකදී ඔහු මේ බව ප්‍රකාශ කළේය.

ඉදිරි T20 ලෝක කුසලාන සූදානම සඳහා පෙර තේරීම් කමිටුව දැනටමත් සාමාජිකයන් 25 දෙනෙකුගෙන් යුත් සංචිතයක් නම් කර ඇති බවත්, නව කමිටුව එම සංචිතයේ කිසිදු වෙනසක් සිදු නොකිරීමට තීරණය කර ඇති බවත් වික්‍රමසිංහ පැවසීය.

ඒ අනුව, පාකිස්ථානයට සහ එංගලන්තයට එරෙහිව පැවැත්වෙන ඉදිරි T20 තරගාවලියේදී දසුන් ශානක ශ්‍රී ලංකා කණ්ඩායමට නායකත්වය දෙනු ඇත.

25 දෙනෙකුගෙන් යුත් ශ්‍රී ලංකා T20 සංචිතය මෙසේයි;

දසුන් ශානක (නායක)
පැතුම් නිශ්ශංක
කුසල් මෙන්ඩිස්
කුසල් ජනිත්
ධනංජය ද සිල්වා
නිරෝෂන් දික්වැල්ල
ජනිත් ලියනගේ
චරිත් අසලංක
කමිඳු මෙන්ඩිස්
පවන් රත්නායක
සහන් ආරච්චිගේ
වනිඳු හසරංග
දුනිත් වෙල්ලාලගේ
මිලාන් රත්නායක
නුවන් තුෂාර
ඒෂාන් මාලිංග
දුෂ්මන්ත චමීර
ප්‍රමෝද් මධුෂාන්
මතීෂ පතිරණ
ඩිල්ෂාන් මධුෂාන්
මහීෂ් තීක්ෂණ
දුෂාන් හේමන්ත
විජයකාන්ත් වියස්කාන්ත්
ට්‍රැවින් මැතිව්
කමිල් මිෂාර