December 6, 2025
ගංවතුර සහ ආපදා හේතුවෙන් මියගිය සතුන් ආරක්ෂිතව කළමනාකරණය කිරීම සඳහා ලෝක සෞඛ්ය සංවිධානය (WHO) ශ්රී ලංකාව වෙනුවෙන් මහජන සෞඛ්ය මාර්ගෝපදේශ නිකුත් කර තිබේ.
බොහෝ විට ආපදාවලදී දියේ ගිලීම, අසනීප වීම හෝ තුවාලවීම් හේතුවෙන් මියයන සතුන්ගේ මළකඳන් නුසුදුසු ලෙස හැසිරවියහොත් සෞඛ්ය අවදානම් ඇති කරන බව එම උපදේශනයේ සඳහන් වේ.
ගංවතුරෙන් පසු හමුවන මියගිය මසුන් ස්පර්ශ කිරීම, එකතු කිරීම හෝ පරිභෝජනය කිරීම නොකළ යුතු බවත්, මියගිය සතුන් සමඟ කටයුතු කිරීමට පෙර මහජන සෞඛ්ය පරීක්ෂකවරුන් හෝ පළාත් පාලන ආයතනවලින් උපදෙස් ලබා ගන්නා ලෙසත් ලෝක සෞඛ්ය සංවිධානය මහජනතාවට අනතුරු අඟවයි.
පිරිසිදු කිරීමේ මෙහෙයුම්වල නියැලී සිටින අය සබන් යොදා පිරිසිදු ජලයෙන් හොඳින් අත් සේදීම ඇතුළු දැඩි සනීපාරක්ෂක පිළිවෙත් සමඟ අත්වැසුම්, සපත්තු සහ මුහුණු ආවරණ වැනි ආරක්ෂිත ආම්පන්න භාවිත කරන ලෙස ලෝක සෞඛ්ය සංවිධානය නිර්දේශ කරයි.
දූෂණය වීමේ අවදානම අවම කිරීම සඳහා, ආහාර සහ ජල මූලාශ්ර සුරක්ෂිත කිරීම, මළකඳන් කඩිනමින් ඉවත් කිරීම සහ ගංවතුරට ගොදුරු වූ ප්රදේශවල එළිමහනේ වැඩ කරන විට මදුරු විකර්ෂක භාවිත කිරීමට ලෝක සෞඛ්ය සංවිධානය තවදුරටත් උපදෙස් දෙයි.
