දිට්වා සුළි ­කු­ණා­ටුව හේතු­වෙන් ඇති වූ අධික වර්ෂා­වට නාය­යෑම් සහිත ප්‍රදේ­ශ­වල පස සංතෘප්ත වී තිබෙන නිසා ඉතාම අඩු වර්ෂා­ව­කදී වුවත් නාය­යෑම් ඇතිවිය හැකි බව ජාතික ගොඩ­නැ­ඟිලි පර්යේ­ෂණ සංවි­ධා­නයේ අධ්‍යක්ෂ (නාය­යෑම් පර්යේ­ෂණ අංශය) ආචාර්ය ගාමිණී ජය­තිස්ස පැවැ­සීය.

පව­තින ආපදා තත්ත්වය පිළි­බඳ මාධ්‍ය­යට අද­හස් දක්ව­මින් ඒ මහතා ඊයේ (04) මේ බව කීවේය.

“පසු­ගිය දින­වල ඇතිවූ අධික වර්ෂා­ප­ත­න­යත් සමඟ නාය­යාම් සම්බ­න්ධව ඉතා අවා­ස­නා­වන්ත තත්ත්ව­යක් උදා වුණා. එම වර්ෂා­වත් සමඟ මේ වන විට පොළොවේ පස සංතෘප්ත වෙලා ජලය වගේ ගලා­ගෙන යන මට්ට­මට පත් වී තිබෙ­නවා. එම නිසා නාය­යෑම් සහිත දිස්ත්‍රික්ක හැම තැනම මේ වන විට නාය­යෑම්, කණ්ඩි කඩාවැටීම්, ගල් පෙර­ලීම්, නිවාස පිටු­පස කණ්ඩි අස්ථා­වර වීම් වැනි තත්ත්ව­යක් වාර්තා වෙනවා”

“මේ වන විට භූමියේ බොහෝ ස්ථාන අස්ථා­වර වී තිබෙන අව­ස්ථා­වේ­දීත් ජන­තාව එම ස්ථාන­වල රැඳීසිටින අවස්ථා පව­ති­නවා. නාය­යෑම් ලක්ෂණ තිබෙන ස්ථාන­වල තව­මත් ජන­තාව රැඳී සිටි­නවා. එවැනි ස්ථාන­වල රැඳී නොසිට ආර­ක්ෂිත ස්ථාන වෙතට ගමන් කරන ලෙස අප ජන­තා­ව­ගෙන් ඉල්ලා සිටි­නවා. අදාළ නිල­ධා­රීන් අව­සර දුන් පසුව නැවත එම ස්ථාන­ව­ලට යා හැකියි. අව­දා­නම් සහිත සැකසහිත නාය­යාම් සහිත ස්ථාන පරීක්ෂා කිරී­මට භූ විද්‍යා­වට සම්බන්ධ නිල­ධා­රීන් සම්බන්ධ කර­ගෙන වැඩ­ස­ට­හ­නක් අප ක්‍රියා­ත්මක කර­නවා” යැයිද ඔහු පැව­සු­වේය.