දිත්වා සුළි කුණාටුවෙන් ඇති වූ විනාශයෙන් ශ්‍රී ලංකාව යථාතත්ත්වයට පත්වීමේ ක්‍රියාවලිය වෙනුවෙන්, එක්සත් රාජධානිය හදිසි මානුෂීය ආධාර සඳහා ඩොලර් 890,000 (£675,000) ක් ලබාදීමට පොරොන්දු වී තිබේ.

රතු කුරුස සංවිධානය, ශ්‍රී ලංකාවේ එක්සත් ජාතීන්ගේ සංවිධානය සහ දේශීය හවුල්කරුවන් සමඟ සහයෝගයෙන් මෙම ආධාර ලබාදෙන අතර, බලපෑමට ලක්වූ ප්‍රජාවන්ට හදිසි සැපයුම් සහ ජීවිතාරක්ෂක සත්කාර එමගින් ලබාදෙනු ඇත.

සුළි කුණාටුවෙන් අවතැන් වූ හෝ දැඩි ලෙස පීඩාවට පත්වූවන් සඳහා ආහාර, නවාතැන් සහ වෛද්‍ය ආධාර ඇතුළු ක්ෂණික අවශ්‍යතා සපුරාලීම මෙම ප්‍රදානයේ අරමුණ බව එක්සත් රාජධානිය නිවේදනය කර ඇත.