වැලිමඩ, රේන්දපොළ ප්‍රදේශයේ සෙනසුරාදා රාත්‍රියේ සිදුවූ නායයෑමකින් සිරවී සිටි විදේශීය සංචාරකයන් තිදෙනකු බේරාගැනීමට හැකි වූ බව ශ්‍රී ලංකා හමුදාව පැවසීය.

නායමකින් සිරවී සිටින කණ්ඩායමක් පිළිබඳ ප්‍රාදේශීය අනතුරු ඇඟවීමකින් පසු, නොවැම්බර් 29 වැනි දින මධ්‍යම රාත්‍රියෙන් ටික වේලාවකට පසු භට පිරිස් හදිසි මෙහෙයුමක් දියත් කළ බව හමුදාව පවසයි.

මෙක්සිකානු සංචාරකයකු සහ ආර්ජන්ටිනා සංචාරකයන් දෙදෙනෙකු ඇතුළු සියලුම පුද්ගලයන් ආරක්ෂිතව ඉවත්කිරීමට හමුදා භට පිරිස්වලට හැකිව තිබේ.

කාන්තාවන් තිදෙනා දැනට අසල පිහිටි මුස්ලිම් පල්ලියක ආරක්ෂිතව නවාතැන් ගෙන සිටින බව වාර්තා වේ.

අධික වර්ෂාව සහ අස්ථායී භූමි තත්ත්වයන් පවතින බැවින් හදිසි කණ්ඩායම් ප්‍රදේශය නිරීක්ෂණය කරමින් සිටී.