බැංගලෝර්හිහි සිටින 24 හැවිරිදි ශ්‍රී ලාංකිකයකු ඉන්ස්ටග්‍රෑම් හරහා සම්බන්ධ කරගත් නාඳුනන පුද්ගලයකු වෙතින් මාර්ගගත ආකාරයෙන් ලිංගික අපයෝජන ජාවාරමකට ගොදුරු වී තිබේ.

පොලිසිය විසින් ගොනුකරන ලද නඩුවකට අනුව, නාඳුනන පුද්ගලයා ඉන්ස්ටග්‍රෑම් හරහා වින්දිත ශිෂ්‍යයයා සමග මාර්ගගත මිත්‍රත්වයක් ගොඩනඟා ගෙන ඇත.

පසුව පුද්ගලයා වට්ස්ඇප් හරහා වින්දිතයා සම්බන්ධ කරගෙන තිබේ.

වීඩියෝ ඇමතුම් අතරතුර, විත්තිකරු ඔහුගේ අවසරයකින් තොරව ඔහුගේ පෞද්ගලික ඡායාරූප සහ පෞද්ගලික වීඩියෝ රහසිගතව ගත් බවට වින්දිතයා චෝදනා කරයි.

පසුව විත්තිකරු අදාළ වීඩියෝ සහ ඡායාරුප මකාදැමීම සඳහා මුදල් ඉල්ලා ඇත.

වින්දිතයා ගෙවීම ප්‍රතික්ෂේප කළ විට, එම පුද්ගලයා පැමිණිලිකරුගේ මිතුරන්ට සහ පවුලේ අයට වීඩියෝ සංසරණය කර සමාජ මාධ්‍ය වේදිකාවල උඩුගත කරන බවට තර්ජනය කළ බව කියනු ලැබේ.

ඊට බියෙන්, වින්දිතයා විත්තිකරුට ඉන්දීය රුපියල් 36,000 ක් ලබාදී තිබේ.

කෙසේ වෙතත්, විත්තිකරු තවදුරටත් මුදල් ඉල්ලා ඇති අතර, අමතර ගෙවීම් නොකළහොත් වීඩියෝ අන්තර්ජාලය හරහා ප්‍රසිද්ධියට පත්කරන බවට තර්ජනය කර ඇත.

අඛණ්ඩ තර්ජන තමාට දැඩි මානසික පීඩාවක් ඇති කර ඇති බව පවසමින් අදාළ ශ්‍රී ලාංකික ශිෂ්‍යයා පොලිස් පැමිණිල්ලක් ගොනුකර තිබේ.

පොලිසිය නඩුවක් ලියාපදිංචි කර වැඩිදුර විමර්ශනයක් ආරම්භ කර ඇත.