අන්තර්ජාතික ටෙනිස් පිටියේ ‘හෝල් ඔෆ් ෆේම්’ ගෞරව නාමය හිමිවූ වූ ‘බිග් ත්‍රී’ ටෙනිස් කණ්ඩායමේ පළමු සාමාජිකයා බවට රොජර් ෆෙඩරර් පත්වනු ඇත.

44 හැවිරිදි ෆෙඩරර් 2022 දී විශ්‍රාම ගිය අතර, ATP මට්ටමේ ශූරතා 103 ක් දිනාගත් ඔහු දෙවැනි වන්නේ විවෘත ATP මට්ටමේ ශූරතා 109ක් දිනාගනු ලැබූ ජිමී කොනර්ස්ට පමණකි.

ග්‍රෑන්ඩ් ස්ලෑම් කේවල ශූරතා 20ක් දිනාගත් පළමු ක්‍රීඩකයා වන ස්විට්සර්ලන්තයෙන් ටෙනිස් ක්‍රීඩාවට පිවිසි මෙම ශ්‍රේෂ්ඨ ක්‍රීඩකයා ඉන් දෙවැනි වන්නේ ඔහුගෙන් පසුව එම ශුරතාව දිනු නොවැක් ජොකොවිච් (24) සහ රෆායෙල් නඩාල්ට (22) පමණි.

වෘත්තීය ග්‍රෑන්ඩ් ස්ලෑම් ජයග්‍රහණය කළ ක්‍රීඩකයන් අටදෙනාගෙන් එක් අයකු වන ෆෙඩරර්, ඔහු තරුණ වියේදී ක්‍රීඩා කළ ස්විස් ටෙනිස් හිදී මෙම පුවත ගැන පළමුවරට දැන ගනු ලැබුවේය. එහිදී හෝල් ඔෆ් ෆේම් සාමාජිකයින් 270 දෙනාගෙන් ඇතැමෙක් වීඩියෝ ඇමතුම්වලින් ඔහුව පිළිගෙන තිබේ.

“අන්තර්ජාතික ටෙනිස් හෝල් ඔෆ් ෆේම් නාමයට ඇතුළත් වීමට ලැබීම සහ ක්‍රීඩාවේ විශිෂ්ට ශූරයන් රැසක් සමඟ එක්වීමට ලැබීම ඉමහත් ගෞරවයක්,” ෆෙඩරර් පවසයි.

“මගේ වෘත්තීය ජීවිතය පුරාම, මම සැමවිටම ටෙනිස් ඉතිහාසය සහ මට පෙර සිටි අය විසින් තැබූ ආදර්ශය අගය කර ඇත්තෙමි. ක්‍රීඩාව සහ මගේ සම වයසේ මිතුරන් විසින් මේ ආකාරයෙන් පිළිගැනීමට ලක්වීම අතිශයින් නිහතමානී ය. ටෙනිස් ප්‍රජාව සමඟ මෙම විශේෂ මොහොත සැමරීම සඳහා ලබන අගෝස්තු මාසයේදී නිව්පෝර්ට් වෙත පැමිණීමට මම බලාපොරොත්තු වෙමි.” ඔහු වැඩිදුරටත් සඳහන් කරයි.