ශ්‍රී ලංකාව සහ පාකිස්තානය අතර තරග තුනකින් යුත් එක්දින තරගාවලිය අද පාකිස්තානයේ රාවල්පින්ඩි ක්‍රිකට් ක්‍රීඩාංගණයේදී ආරම්භ වේ.

තරගාවලියේ දෙවැනි සහ තුන්වැනි එක්දින තරග නොවැම්බර් 13 සහ 15 යන දිනවල එම ක්‍රීඩාංගණයේදීම පැවැත්වේ.

තරඟ තුනම ආරම්භ වන්නේ, එරට වේලාවෙන් පස්වරු 2.30ට වන අතර කාසියේ වාසිය දේශීය වේලාවෙන් පස්වරු 2 ට සිදු වේ.

දකුණු අප්‍රිකාවට එරෙහිව පාකිස්තානයේ සාර්ථක දේශීය තරගාවලියෙන් පසුව මෙම තරඟාවලිය පැවැත්වේ.

එහිදී සත්කාරක පාකිස්තාන කණ්ඩායම විස්සයි20 සහ එක්දින තරඟ දෙකම 2-1 ලෙස ජයග්‍රහණය කළේය.

දකුණු අප්‍රිකාවට එරෙහි තරඟාවලිය එක්දින නායකයා ලෙස ෂහීන් ෂා අෆ්රිඩිගේ පළමු වගකීම සනිටුහන් කළේය.

ශ්‍රී ලංකාවට එරෙහි එක්දින තරඟ තුනෙන් පසුව, පාකිස්තානය නොවැම්බර් 17 සිට 29 දක්වා රාවල්පින්ඩි සහ ලාහෝර් හිදී ශ්‍රී ලංකාව සහ සිම්බාබ්වේ කණ්ඩායම් සහභාගී වන තුන්කොන් විස්සයි20 තරඟාවලියකට සහභාගී වනු ඇත.

මේ දක්වා පාකිස්තානය සහ ශ්‍රී ලංකාව එක්දින තරග 157 කදී මුහුණට මුහුණ හමුවී ඇති අතර, ඉන් තරග 93 ක් පාකිස්තානය ජයගෙන ඇති අතර තරග 59 ක් ශ්‍රී ලංකාව ජයගෙන ඇත. එක් තරගයක් සම තත්ත්වයෙන් අවසන් වූ අතර තරග 4 ක් ප්‍රතිඵලයකින් තොරව අවසන් විය. පාකිස්තාන භූමියේදී, කණ්ඩායම් දෙක එක්දින තරග 30 ක් ක්‍රීඩා කර ඇති අතර, පාකිස්තානය 18-12 ක් ලෙස පෙරමුණ ගෙන සිටි.

2019දී පාකිස්තානයේදී අවසන් වරට ශ්‍රී ලංකාව සමග පැවති තරගාවලියේදී පාකිස්තානය 2-0 ක් ලෙස එය ජයග්‍රහණය කළේය.

මේ අතර හඳුනානොගත් ප්‍රහාරකයන් පිරිසක් පාකිස්තානයේ ජාතික ක්‍රිකට් ක්‍රීඩක නසීම් ෂාගේ නිවෙසට වෙඩි ප්‍රහාරයක් එල්ල කළ බව ඊයේ එරට පොලිසිය වාර්තා කළේය.