ගල්කිස්ස මහේස්ත්‍රාත් අධිකරණ පරිශ්‍රයේ සිකුරාදා (10) සිදුවූ සිද්ධියට සම්බන්ධ නීතිඥවරයකුගේ හැසිරීම සම්බන්ධයෙන් ගල්කිස්ස පොලිසිය පරීක්ෂණයක් ආරම්භ කර ඇති අතර, එහිදී පොලිස් නිලධාරියකු නීතිඥවරයකුට පහරදුන් බව කියනු ලැබේ.

තවත් ජ්‍යෙෂ්ඨ නීතිඥවරයකු සමඟ එක්ව අදාළ නීතිඥවරයා තම රාජකාරි කටයුතු කරගෙන යන අතරතුර වාචිකව අපයෝජනය කර නිලධාරියාට බාධාකළ බවට එල්ල වූ චෝදනා සම්බන්ධයෙන් විමර්ශනය සිදුකරන බව පොලිසිය පවසයි.

නීතිඥවරයා තම වාහනය අධිකරණ පරිශ්‍රයෙන් පිටතට ගෙනයෑමට උත්සාහ කරන අතරතුර එම පොලිස් නිලධාරියා නීතිඥවරයාට පහරදුන් බවට මීට පෙර ලැබුණු පැමිණිල්ලකට අනුව මෙම පරීක්ෂණය සිදු කෙරේ.

පොලිස් නිලධාරියා අත්අඩංගුවට ගෙන අධිකරණයට ඉදිරිපත් කර ඔක්තෝබර් 13 වැනි දින දක්වා රක්ෂිත බන්ධනාගාරගත කර ඇත.

ආරවුලේ වීඩියෝ දර්ශන ලබාගෙන ඇති අතර එය විමර්ශනයේදී භාවිතා කරනු ඇත.

එම ස්ථානයේ සිටි සාක්ෂිකරුවන් කිහිපදෙනකුගෙන් ප්‍රකාශ ද සටහන් කරගෙන තිබේ.

ගල්කිස්ස කොට්ඨාශය භාර ජ්‍යෙෂ්ඨ පොලිස් අධිකාරීවරයාගේ අධීක්ෂණය යටතේ වැඩිදුර පරීක්ෂණ සිදුකෙරේ.