නුව­ර­එ­ළි­යට මත්කුඩු බෙදන ප්‍රධාන ජාලය හඳු­නා­ගත් නුව­ර­එ­ළිය කොට්ඨාස දූෂණ මර්දන අංශයේ නිල­ධා­රීන් කඩ­වත පහළ බිය­න්විල ප්‍රදේ­ශයේ නිවෙසක් වටළා කළ පරීක්ෂා කිරී­මේදී රුපි­යල් කෝටි 40කට ආසන්න වටි­නා­ක­මක් ඇති මත්ද්‍රව්‍ය කිලෝ 14කට අධික ප්‍රමා­ණ­යක් සමඟ අනි­යම් අඹු-සැමි යුව­ළක් අත්අ­ඩං­ගු­වට ගැනී­මට සමත්ව ඇත.

සොයා­ගත් මත්ද්‍රව්‍ය අතර හෙරො­යින් කිලෝ 12යි ග්‍රෑම් 90ක්, අයිස් මත්ද්‍රව්‍ය කිලෝ 01යි ග්‍රෑම් 490ක්, කුෂ් මත්ද්‍රව්‍ය කිලෝ 2යි ග්‍රෑම් 300ක්, හෂිෂ් මත්ද්‍රව්‍ය කිලෝ 02යි ග්‍රෑම් 410ක් ඇතැයි පොලිස් මාධ්‍ය කොට්ඨා­සය සඳ­හන් කළේය. මත්ද්‍රව්‍ය කිරී­මට යොදා ගන්නා විදත් තරා­දි­යක්ද පොලී­සිය මෙහිදී සොයා­ගෙන ඇත.

මෑතක දී මුහුදු මාර්ග ඔස්සේ මෙන්ම ගුවන් මඟින් විශාල මත්ද්‍රව්‍ය තොග­යක් විදේ­ශ­ග­තව සිටින ප්‍රබල මත්කුඩු ජාවා­ර­ම්ක­රු­වෙක් වන රත්ම­ලානේ රසල් නමැත්තා විසින් මෙර­ටට ඒවා ඇති බවට තොර­තු­රුද විම­ර්ශ­න­ව­ලින් හෙළිවී තිබේ. කඩ­වත නිවෙසින් සොයා­ගත් මත්ද්‍රව්‍ය තොගය එසේ රැගෙන ආ මත්ද්‍ර­ව්‍ය­ව­ලින් කොට­සක් බවට පොලී­සිය සැකකරයි.

නුව­ර­එ­ළියේ සංචා­ර­යට පැමි­ණෙන දෙස් විදෙස් සංචා­ර­ක­යන් මෙන්ම වතු­ක­රයේ තරු­ණ­යන් ඉලක්ක කර­ගෙන බෙදා­හැ­රී­මට මෙම මත්ද්‍ර­ව්‍ය­ව­ලින් කොට­සක් නුව­ර­එ­ළි­යට ගෙන ඒමට සූදා­නම් කර තිබී ඇති බව සඳ­හන්ය.

නුව­ර­එ­ළිය කොට්ඨාස දූෂණ මර්දන අංශයේ නිල­ධා­රීන් විසින් කළ වැටළී­මකදී අත්අ­ඩං­ගු­වට ගත් මත්කුඩු ලෝලි­යෙක් සම්බ­න්ධ­යෙන් කළ දීර්ඝ විම­ර්ශ­න­යක ප්‍රති­ඵ­ල­යක් ලෙස නුව­ර­එ­ළි­යට මත්කුඩු බෙදා­හැ­රීමේ ජාලය ගැන තොර­තුරු හෙළිවී තිබේ.

මෙම මත්කුඩු තොගය සඟවා තිබූ කඩ­වත පහළ බිය­න්විල නිවෙස කුලී පද­නම මත ලබා­ගත් එකක් බව අනා­ව­ර­ණය වී ඇත. අත්අ­ඩං­ගු­වට ගත් කාන්තාව 32 හැවි­රිදි තල­විල පදිං­චි­කා­රි­යකි. පිරිමි පුද්ග­ලයා 29 වියැති මොර­ටුව අඟු­ලානේ පදිං­චි­ක­රු­වෙක් බව පොලී­සිය සඳ­හන් කළේය‍.

මෙම අනි­යම් අඹු­සැමි යුවළ සමඟ මත්කුඩු තොගය අත්අ­ඩං­ගු­වට ගෙන ඇත්තේ පෙරේදා (08)ය.‍

වැඩි­දුර විම­ර්ශන සඳහා ‍මෙම යුවළ කඩ­වත ‍ පොලිස් ස්ථාන­යට භාර දී ඇත.(දිනමිණ)