දැනට රක්ෂිත බන්ධනාගාරගත කර සිටින බැකෝ සමන්ගේ බිරිඳ වන ශාධිකා ලක්ෂානි නමැත්තියට සහ ඇයගේ සමීපතමයන්ට අයත් බැංකු ගිණුම් 13ක් අත්හිටුවා ඇති බව අපරාධ පරීක්ෂණ දෙපාර්තමේන්තුව කොළඹ මහේස්ත්‍රාත් අධිකරණයට දැනුම් දී තිබේ.

ශාධිකා ලක්ෂානිගේ නමින් ලියාපදිංචි කර ඇති ගිණුම් පහක් තහනම් කර ඇති බව ද එම දෙපාර්තමේන්තුව අධිකරණයට දැනුම් දී ඇත.

මෙම හෙළිදරව් කිරීම සිදුකර ඇත්තේ එම නඩුව කොළඹ ප්‍රධාන මහේස්ත්‍රාත් අසංග එස්. බෝදරගම ඉදිරියේ කැඳවූ අවස්ථාවේදීය.

නඩු විභාගයෙන් පසු, සැකකාරිය ඔක්තෝබර් 23 වැනි දින දක්වා තවදුරටත් රක්ෂිත බන්ධනාගාරගත කරන ලෙස මහේස්ත්‍රාත්වරයා නියෝග කළේය.

පාතාල නායකයකු වන ‘බැකෝ සමන්’ ගේ බිරිඳ සහ දරුවා අගෝස්තු 29 වන දින බණ්ඩාරනායක අන්තර්ජාතික ගුවන්තොටුපොළට රැගෙන ආ පසු අපරාධ පරීක්ෂණ දෙපාර්තමේන්තුව භාරයට ගන්නා ලදී.