දශක දෙකකට වැඩි කාලයක් තනි පෞද්ගලික සමාගමක් විසින් රියදුරු බලපත්‍ර මුද්‍රණය කිරීමේදී දැවැන්ත වංචාවක් අනාවරණය වී ඇති බව ප්‍රවාහන අමාත්‍ය බිමල් රත්නායක අද පාර්ලිමේන්තුවට පැවසීය.

රියදුරු බලපත්‍ර මුද්‍රණය කිරීමේ කොන්ත්‍රාත්තුව තනි සමාගමකට ලබාදීමෙන් විශාල පරිමාණයේ අරමුදල් නාස්තියක් සිදුවී ඇති බව ඔහු සඳහන් කළේය.

පෞද්ගලික සමාගමක් විසින් රියදුරු බලපත්‍රයක් මුද්‍රණය කිරීමේදී පිරිවැය රු. 534.54 ක් වන නමුත්, මෝටර් රථ ලියාපදිංචි කිරීමේ දෙපාර්තමේන්තුව මැදිහත්ව එය සිදුකළ හොත්, එකක් රු. 367 කට මුද්‍රණය කළ හැකි බව ඔහු පැවසීය.

“රියදුරු බලපත්‍ර මෝටර් රථ ලියාපදිංචි කිරීමේ දෙපාර්තමේන්තුව විසින් මුද්‍රණය කිරීමට අපි තීරණය කර තිබෙනවා. ඒ සඳහා මුද්‍රණ යන්ත්‍ර ස්ථාපනය කරමින් පවතිනවා” අමාත්‍යවරයා අනාවරණය කළේය