ඉන්දියාවේ දිල්ලි සහ ඒ ආසන්න නගරවල පසුගිය මාස කිහිපය තුළ ඉන්ෆ්ලුවෙන්සා A හි උප වර්ගයක් වන H3N2 ආසාදිත රෝගීන්ගේ වැඩිවීමක් දක්නට ලැබෙන අතර, මෙවර එම රෝග ලක්ෂණ සහිත රෝගීන් සංඛ්‍යාව පෙර වසරවලට සාපේක්ෂව ඉහළ ගොස් ඇති බව වෛද්‍යවරු අනතුරු අඟවති.

රෝග ලක්ෂණ අතර ශරීරයේ වේදනාව, කැස්ස සහ උණ වැඩිවීම පවතින බව දිල්ලි හි ශුද්ධ වූ පවුලේ රෝහලේ වෛද්‍ය අධ්‍යක්ෂ වෛද්‍ය සුමිත් රේ ජනමාධ්‍ය වෙත පවසා ඇත.

එමෙන්ම ඔහු පෙන්වාදී ඇත්තේ, ශ්වසන රෝගයක් වන H3N2 කැස්ස, ආසාදිත පුද්ගලයන් සමඟ සමීප සම්බන්ධතා පැවැත්වීම සහ රෝග කාරක සහිත පෘෂ්ඨ ස්පර්ශ කිරීම හරහා පැතිර යාහැකි බවයි.

රෝග ව්‍යාප්තියට ලක්විය හැකි අවදානම් කණ්ඩායම ලෙස වැඩිහිටි ප්‍රජාව සහ දියවැඩියාව මෙන්ම පෙනහළු ආශ්‍රිත රෝග ඇති පුද්ගලයන් හෝ ප්‍රතිශක්තිකරණය අඩු පුද්ගලයින් හඳුනාගෙන තිබේ.

“එවැනි පුද්ගලයින්ට වෛරසය ආසාදනය වුවහොත් වඩාත් බරපතල රෝගාබාධ හෝ පෙනහළු ආශ්‍රිත රෝග තත්වයන් ඉහළ යාම සිදුවේ. හානි වැඩිවිය හැකිය. සමහර විට, යටින් පවතින ඉන්ෆ්ලුවෙන්සා ආසාදනයට ද්විතියික බැක්ටීරියා ආසාදනයක් එකතු විය හැකිය,” ඔහු තවදුරටත් පවසයි.

දියවැඩියාව, හෘද රෝග සහ වකුගඩු රෝග වැනි තත්වයන්ට අමතරව, අවයව බද්ධ කිරීම්වලට භාජනය වූ පුද්ගලයන්ට ද එය අවදානම් බව වෛද්‍යවරුන් පවසයි.