හිටපු ශ්‍රී ලංකා ක්‍රිකට් ක්‍රීඩක රොෂාන් මහානාම ජාතික ක්‍රීඩා කවුන්සිලයේ සාමාජිකත්වයෙන් ඉවත් වී තිබේ.

ඔහු එම කවුන්සිලයේ 2025-2028 වාරය සඳහා පෙබරවාරි 14 දිනැති ලිපියක් මගින් කවුන්සිලයට පත්කරන ලද අතර 2025 පෙබරවාරි 20 දින නිල වශයෙන් එම තනතුර භාරගෙන තිබිණි.

සිය ඉල්ලා අස්වීම නිවේදනය කරමින් රොෂාන් මහානාම ප්‍රකාශ කළේ, පෞද්ගලික හේතූන් මත තම භූමිකාවෙන් ඉවත්වීමට අකමැත්තෙන් හෝ සිදුවන බවයි.

ICC හි හිටපු තරග තීරකවරයකු වන රොෂාන් මහානාම මීට පෙර 2021 වසරේ ක්‍රිකට් තාක්ෂණික උපදේශක කමිටුවේ ද කටයුතු කර තිබේ.

2022 දී ඔහු පෞද්ගලික හේතූන් මත එම කමිටුවෙන් ද ඉල්ලා අස්විය.

එම සිව්පුද්ගල තාක්ෂණික උපදේශක කමිටුව 2021 පෙබරවාරි 5 වැනි දින එවකට ක්‍රීඩා අමාත්‍ය නාමල් රාජපක්ෂ විසින් පත් කර තිබිණි.