එක්සත් අරාබි එමීර් රාජ්‍යයේ පවතින අධික උණුසුම හේතුවෙන් 2025 ACC පිරිමි ආසියානු කුසලානයේ තරඟ 19 සඳහාම ආරම්භක වේලාවන් සංශෝධනය කර ඇති බව එමිරේට්ස් ක්‍රිකට් මණ්ඩලය පසුගිය සෙනසුරාදා නිවේදනය කළේය.

සැප්තැම්බර් 9 සිට 28 දක්වා ඩුබායි සහ අබුඩාබියේදී T20 ආකෘතියෙන් පැවැත්වීමට නියමිත තරඟාවලියේ සියලුම තරඟ මුලින් සවස 7.30ට ආරම්භ වීමට නියමිතව තිබිණි.

කෙසේවෙතත්, තරඟ 18ක් සඳහා ආරම්භක වේලාව දැන් පැය භාගයකින් පමා කර සවස 8 ලෙස වෙනස් කර තිබේ.

මීට අමතරව, සැප්තැම්බර් 15 වැනිදා අබුඩාබි හි සයීඩ් ක්‍රිකට් ක්‍රීඩාංගණයේදී පැවැත්වීමට නියමිත එක්සත් අරාබි එමීර් රාජ්‍යය සහ ඕමානය අතර තරඟය දිවා තරඟයක් වන අතර එය සවස 5.30ට ආරම්භ වේ.

ලෝක ශූරයන් සහ ආසියානු ශූරතා හිමිකරුවන් වන ඉන්දියාව සැප්තැම්බර් 10 වැනිදා ඩුබායි හිදී සත්කාරක එක්සත් අරාබි එමීර් රාජ්‍යයට එරෙහිව සිය පළමු තරගයට සහභාගී වනු ඇත.

සැප්තැම්බර් 14 වැනිදා පැවැත්වෙන ඉන්දු -පාකිස්තාන තරගයට ඩුබායි අන්තර්ජාතික ක්‍රිකට් ක්‍රීඩාංගණය සත්කාරකත්වය දරනු ඇත.

කෙසේවෙතත්, ඉන්දියාව ද්විපාර්ශ්වික තරඟ සඳහා පාකිස්තානයට සත්කාරකත්වය නොදක්වන හෝ සංචාරය නොකරන නමුත්, ඔවුන්ගේ ක්‍රීඩක ක්‍රීඩිකාවන්ට සහ කණ්ඩායම්වලට ඉදිරියේදී පැවැත්වෙන පිරිමි ආසියානු කුසලානය මෙන් පාකිස්තානය ද ඇතුළත් ඉසව් සඳහා සහභාගී විය හැකිය.

ඉන්දියාව, පාකිස්තානය, එක්සත් අරාබි එමීර් රාජ්‍යය සහ ඕමානය A කාණ්ඩයේ සිටින අතර, ශ්‍රී ලංකාව, ඇෆ්ගනිස්ථානය, බංග්ලාදේශය සහ හොංකොං B කාණ්ඩයට අයත් වේ.

ආසියානු කුසලානය සැප්තැම්බර් 9 වැනිදා ආරම්භ වන අතර, එහිදී ඇෆ්ගනිස්ථානය අබුඩාබි හිදී හොංකොං සමඟ තරඟ වදිනු ඇත.

2025 ආසියානු කුසලානයේ සංශෝධිත කාලසටහන මෙසේයි

සැප්තැම්බර් 9 – ඇෆ්ගනිස්ථාන – හොංකොං තරගය , අබුඩාබි – රාත්‍රී 8

සැප්තැම්බර් 10 – ඉන්දියාව – එක්සත් අරාබි එමීර් රාජ්‍යය අතර තරගය, ඩුබායි – රාත්‍රී 8

සැප්තැම්බර් 11 – බංග්ලාදේශය -හොංකොං අතර තරගය, අබුඩාබි – රාත්‍රී 8

සැප්තැම්බර් 12 – පාකිස්තානය – ඕමානය අතර තරගය, ඩුබායි – රාත්‍රී 8

සැප්තැම්බර් 13 – බංග්ලාදේශය – ශ්‍රී ලංකාව අතර තරගය, අබුඩාබි – රාත්‍රී 8

සැප්තැම්බර් 14 – ඉන්දියාව – පාකිස්තානය අතර තරගය, ඩුබායි – රාත්‍රී 8

සැප්තැම්බර් 15 – එක්සත් අරාබි එමීර් රාජ්‍යය – ඕමානය අතර තරගය, අබුඩාබි – රාත්‍රී 5:30

සැප්තැම්බර් 15 – ශ්‍රී ලංකාව – හොංකොං අතර තරගය, ඩුබායි – රාත්‍රී 8

සැප්තැම්බර් 16 – බංග්ලාදේශය – ඇෆ්ගනිස්ථානය අතර තරගය, අබුඩාබි – රාත්‍රී 8

සැප්තැම්බර් 17 – පාකිස්තානය – එක්සත් අරාබි එමීර් රාජ්‍යය අතර තරගය, ඩුබායි – රාත්‍රී 8

සැප්තැම්බර් 18 – ශ්‍රී ලංකාව – ඇෆ්ගනිස්ථානය අතර තරගය, අබුඩාබි – රාත්‍රී 8

සැප්තැම්බර් 19 – ඉන්දියාව – ඕමානය අතර තරගය, අබුඩාබි – රාත්‍රී 8

සැප්තැම්බර් 20 – B1 – B2 අතර තරගය, ඩුබායි – රාත්‍රී 8

සැප්තැම්බර් 21 – A1 – A2 අතර තරගය, ඩුබායි – රාත්‍රී 8

සැප්තැම්බර් 22 – විවේක දිනය

සැප්තැම්බර් 23 – A2 – B1අතර තරගය, අබුඩාබි – රාත්‍රී 8

සැප්තැම්බර් 24 – A1 – B2 අතර තරගය, ඩුබායි – රාත්‍රී 8

සැප්තැම්බර් 25 – A2 – B2 අතර තරගය, ඩුබායි – රාත්‍රී 8

සැප්තැම්බර් 26 – A1 – B1 අතර තරගය, ඩුබායි – රාත්‍රී 8

සැප්තැම්බර් 27 – විවේක දිනය

සැප්තැම්බර් 28 – අවසන් තරගය , ඩුබායි – රාත්‍රී 8

සැප්තැම්බර් 29 – අමතර දිනය